Nugae

[Zythophilus]

Heus, patria licta mox tractus adibitur a me,

quem nec Maeonius nec sciit esse Maro.

Meque maris tepidis circumdata fluctibus ora

pulchra salutabit uasaque plena dabit.

Nouimus, ut canitur, graciles ibi crescere palmas

et cannae calamum dulcis amare solum.

Huius cum mensis lux altera cesserit, ibo

litoraque haec media nocte remota petam,

ut mare transgressum tepidis me fluctibus ingens

puluere tacta fretum membra lauare sinat.

Sintne mihi Musae, non noui, metra daturae

sub palma posito sole fouente caput.

[marcus03]

Sintne mihi Musae, non noui, metra daturae
sub palma posito sole fouente caput.

Ceterum censeo tibi sub palma posito comites esse oportere hos :
https://www.google.de/search?q=unter+pa ... tS6-hnRCzM:

Cave autem, ne illi satellites nimio sole foveantur!
Ad hoc tibi dies multos et quam iucundissimos exopto - discipulis ac labore liberos ac solutos - sperans
te nobis carmina quam plurima ex "exilio" tuo missurum,quibus nos non solum certiores sis facturus, quid ex illis comitibus factum esset.

[Zythophilus]

Non dubito, quin sim lentus sub tegmine palmae

poturus Cereri debita uasa deae.

Aut ornata feri est latronis imagine pyxis

aut palmam uiridem ferrea pyxis habet.

http://d15h3ts9pue03r.cloudfront.net/wp ... jpg?x23406

[Zythophilus]

Ne latices grati foueantur sole, cauebo,

sed mihi, quo faciam, consule, Marce, modo!

Ante citis nobis potabitur haustibus humor,

quam solis radiis – heu! – calefactus erit.

[Zythophilus]

Quare, Marce, taces nec iam das consilia ulla?

An, ne sol foueat nunc tua uasa, bibis?

[Exinterator]

Optati laticis sub arena conde lagoenas

Vel potus alios haec ut imago docet

[consus]

Demosthenis diserta verba Vulpius
Iam dudum vertit - mirum! - in linguam Teutonum.
Quiritum lingua cur non utatur latet.

[marcus03]

Quare, Marce, taces nec iam das consilia ulla?

Ad aestum arcendum laticesque refrigrandos:
https://www.google.de/search?q=solar+k% ... 5&dpr=1.09

[Zythophilus]

Non erat Europae magna haec prius insula nota,

quam Ligur Oceani trans freta nauita iit.

Indica quam quaerens inuenerat arua Columbus,

insula nunc a me sponte petita mea est.

Te, Neptune, sibi sperauerat adfore nauta,

qui menses aliquos per mare iturus erat.

Hoc citius propero nec nauibus utor aquisque,

Daedalea uerum celsior arte uehor.

Moenia adire Deo trinoque unique sacrata

et placet oppidulum, quod lauat unda maris.

Dulcis, pressa uirens cum canna sit, editur humor

et fit supposito fortior igne liquor.

Egregiae caelo fauet insula humoque tabaccae

et fumum folii femina uirque bibunt.

[consus]

Demosthenes dixisse haec verba* traditur
Audacter iambis quae Latinis reddidi:

Δημοσθένης δ' ὁ ῥήτωρ ἐν τῷ κατὰ Νεαίρας λόγῳ, εἰ γνήσιος, ὃν ᾿Απολλόδωρος εἴρηκε, φησί· « Τὰς μὲν ἑταίρας ἡδονῆς ἕνεκα ἔχομεν, τὰ δὲ παλλακὰς τῆς καθ' ἡμέραν παλλακείας, τὰς δὲ γυναῖκας τοῦ παιδοποιεῖσθαι γνησίως καὶ τῶν ἔνδον φύλακα πιστὴν ἔχειν. »

Amica nos delectat dulci gaudio.
Explet lasciva cupiditatem fervidam
Cotidiani concubitus paelex cito.
Uxori castae sed datur munus grave
Ut procreatos iure pariat liberos
Et rite asservet intimas partes domus.
________________
* Athen. deipn. 573b.

[ThomasVulpius]

Δημοσθένης δ' ὁ ῥήτωρ ἐν τῷ κατὰ Νεαίρας λόγῳ, εἰ γνήσιος, ὃν ᾿Απολλόδωρος εἴρηκε, φησί· « Τὰς μὲν ἑταίρας ἡδονῆς ἕνεκα ἔχομεν, τὰ δὲ παλλακὰς τῆς καθ' ἡμέραν παλλακείας, τὰς δὲ γυναῖκας τοῦ παιδοποιεῖσθαι γνησίως καὶ τῶν ἔνδον φύλακα πιστὴν ἔχειν. »

Ἔτι δὲ πρὸς τούτοις Δημοσθένης λέγει, ὅτι *Ρεβίαν μὲν τὴν καὶ *ἀμφώχειρα καλουμένην ἔχομεν τοῦ (cf. Zinsmeister § 150b) τοὺς πωγωνίας *ἰσλαμιστὰς μολυβδίνοις βέλεσιν ἀποκτείνειν, τὴν δὲ τῶν δρακόντων βασίλειαν τὴν ἐλαύνουσαν ἐπὶ (cf. Zinsmeister § 101,b1) πυροβόλου δράκοντος αὐτοὺς ἀνθρακίζειν.

[Zythophilus]

Sub palma iaceo, pedibus fauet arida arena,

caerulea assidue murmurat unda maris.

Musa mihi aspirat calido sub sole moranti,

ut calamo lepido sic data metra legas.

Estne procul patriis potus Cerealis ab aruis?

Ni foret, – heu! – caneret tristia Musa querens.

[Zythophilus]

Stas procul a patria sub palma, parua Polona:

Num similes aestus tota Polonia habet?

[Sokrates]

Volvere se studeat – cupiebam – ferrea serpens,
binas ut videas accelerare rotas!
Aurea non petitur, non adgrediuntur harenam,
meta, sed elucet parvula lingua rubens.
Princeps nihil soleat palma decorare recentem
victricem sellam, at tamen alba datur.


v. 5 nihil ~ nil
v. 6 alba sc. tunica

[Zythophilus]

Qua Catharina potens portumque et moenia fecit,

Pontica continuis motibus unda sonat.

Certe scitis, iter mihi quo factum sit. Odessae

- nec derant Cereris pocula plena – fui.