Nugae

[Zythophilus]

Code: Alles auswählen

Cracouia est nobis urbs pulchra petenda duobus.
 Nos uehet ignipedi raeda uelox sine equo.
Sessurum caupo te sperat in aedibus esse
 poturumque suis quisque „Veni!“que uocat.
Ne cunctare sequi caupones uoce uocantes
 dulci, qui tibi iam dolia plena parant!


[Zythophilus]

Code: Alles auswählen

Rus metita uolat uerrens atque omnia transit
 ferrea ferrata raeda per arua uia.
Per terram celeris – quamuis sit lenta quibusdam –
 et uehit ignipedi raeda uelox sine equo.
Funiculi, rapidam qui uim, tenduntur in aura,
 curribus iniciant fulminibusque parem.
Quondam carbo agitare cremanda uaporque solebat
 et nutrita manu caldaque flamma rotas.
Ferratisque uiis urbs proxima iungitur urbi
 et loca cuncta suo tramite raeda iugat.
Quae post se seriem raedarum raeda mouendam
 ui, cui rector inest, prima ualensque trahit,
incedit series facto uelut agmine longa:
 ferrea fert illuc, huc homines et onus.


[Sokrates Palaios]

Code: Alles auswählen

Composuisti odas lepidas doctasque, Gerarde,
 conditaque exiguo clara Camena libro.
Exposuere tuas perdocti scripta sodalis:
 Cognostine tuas iliius orsa legens?


Code: Alles auswählen

Orsa ligata habeo, sed non fit idoneus textus;
 Solum Zythophilo, non mihi Musa favet.

[consus]

Code: Alles auswählen

Praeclaros etiam tibi placere
credo quos facili manu politos
iambos Archilochus poeta fudit.

[Zythophilus]

Code: Alles auswählen

Archilochus nobis ob carmina salsa placeret,
 si metra dictasset Musa Latina canens,
ast aliena mihi Gaecorum lingua misello,
 eius uti capiam uix metra plena salis.


[Zythophilus]

Code: Alles auswählen

Garrula nostra nimis cuidam – uae! – Musa uidetur.
 Quare nostra tamen, quaerimus, ille legat.
Ernesti tacitam malo laudare Camenam,
 dicere perpaucis quae queat usa nihil.


[Zythophilus]

Code: Alles auswählen

O, quod non faueat, quereris, tibi Musa, sodalis,
 nec quicquam ualeant carmina facta tibi.
Somnia dum carpunt. dat paucis oscula Musa,
 cum fieri interdum  talia posse putem.
Sudanti dat opem demum dea: menda quaterue
 terue relecta fugans res bene, amice, geres.

[Zythophilus]

Code: Alles auswählen

Quantum nostra mouet te parua Camena canentem,
 ut nil iam nisi eam uoce querente canas!
Bella canunt alii, panguntur et arma uirorum.
 Huic Venus alma placet, dulcis et acer amor,
pectora qui mollit, canit ille poeta Lyaeum,
 uersaque dis metra habet corpore forma nouo.
Sunt, quibus arua metris capraeque bouesque canantur
 atque sub arboribus fiat agreste melos.
Zythophili solum canitur tibi Musa poetae:
 Laetor, quod tanti carmina parua facis.


[Zythophilus]

Code: Alles auswählen

Ludere cum geminis temptasti, Phoebe, puellis.
 Lusibus iratam denique utramque times.
Est tibi ludenti nunc saeua cauenda Charybdis
 atque est Scylla uorax effugienda tibi .
Alterius similis – uae! – nobis illa uidetur
 hancque comae alterius cum placido ore decent.
Quidquid ages, ambae te falsa egisse putabunt:
 Postremo feriet te miserum ira duplex.


[Zythophilus]

Code: Alles auswählen

Sancto a Patricio percepit Hibernia – fama est –,
 insula saeua fidem nesciaque ante Dei.
Hunc  hilares Celtae diem agunt, ut paene putemus
 pocula eum Cereris grata tulisse nigrae.


[Zythophilus]

Code: Alles auswählen

Et dolet et pridem uult Phoebus abire, sed ambo
 iniciens collo bracchia amica tenet.
Si tamen effugeret, miser hinc si Phoebus abiret,
 uae, priuaret eum testibus illa furens.


[Zythophilus]

Code: Alles auswählen

Pyxis inest nostrae – posui – bene frigida cistae,
 crede: neque una iacet plena liquore loco.
Pyxidi enim multae sunt pleno uentre sorores:
 Pyxidas euacues Victor, amice, ueni!