Nugae

[Zythophilus]

Code: Alles auswählen

Rem miram accipio: uinum infudisse lagoenis
 diceris et posthac imposuisse seras.
Res solet, o Victor, fieri contraria per te:
 Demptis grata seris fundere uina soles.


[consus]

Ecce Gygis verba numeris reddita (cf. Hdt. 1, 8 sqq. ; aenigmata, 17.3.2008 ):

Code: Alles auswählen

Deposita tunica - Gygi credamus, amici! -
  Femina continuo desinit esse pudens.

[Zythophilus]

Code: Alles auswählen

Mortua me non est mea Musa tacente putanda.
 Versus semper alit pectore uiua meo.
Versus semper alit, quos nunc licet edere nobis.
 Edere si nequeat metra, poeta perit.

[Zythophilus]

Code: Alles auswählen

Post tenebras miserum longas lux orta salutat
 subridetque mihi mane serena dies.
Vtrum derides me, candide Phoebe, dolentem
 an, quod abest, mecum, Phoebe, puella, doles?
O quando iunget - uenturum scimus - amantes
 sol in caelo oriens cuncta tegente duos?


[Zythophilus]

Code: Alles auswählen

Lectum fessa premunt ob morbum membra iacentis,
 hacque meae iubeor luce manere domi.
nobis iam melius miseris medicamine sumpto:
 Hespere, fer sicco pocula, sere, mihi.


[Zythophilus]

Code: Alles auswählen

Quaerere non possum: Quando potare libebit?
 Semper enim scimus, sicce, libere tibi.
Quaero propterea: Quando potare licebit?
 Pocula enim dominam saepe uetare refers.


[Zythophilus]

Code: Alles auswählen

Vergilium pueris aperire paramus et ore
 exiguis heros mentibus ille datur.
Dormit pigra cohors atque abritor ossa reuolui,
 si qua tibi maneant, rupta, Maro, sub humo.


[Zythophilus]

Code: Alles auswählen

Vis Nasonis opus pueris monstrare magistri.
 Quidquid temptabis dicere, somnus erit.
Quem Sulmo genuit, quem barbara terra cecidit,
 Vindobonae tu iterum cogis obire docens.


[Zythophilus]

Code: Alles auswählen

Vtrum praefertur, Victor, ceruisia uino
 an spernis Cereris pocula cocta deae?
Quidquid habes, potas nullo discrimine, Bacchus
  dummodo sacrarit numine uasa suo.


[Sokrates Palaios]

Code: Alles auswählen

Vergilium pueris aperire paramus et ore
 exiguis heros mentibus ille datur.
Dormit pigra cohors atque abritor ossa reuolui,
 si qua tibi maneant, rupta, Maro, sub humo.


Code: Alles auswählen

Illa pigra cohors ne necet nostrum magistrum,
 Ne careamus hic versibus Zythophili.

[Zythophilus]

Code: Alles auswählen

Stultitia, es ueritus, ne operante poeta periret.
 Viuit adhuc et eum scribere metra uides.


[Zythophilus]

Code: Alles auswählen

Quidnam uult mulier, dic, quidue animus cupit eius?
 Femineam mentem nemo aperire potest.
Multo difficilem causam magis esse putamus,
 quod nescit mulier, quid uelit, ipsa petens.


[Zythophilus]

Code: Alles auswählen

Immemor urbanae carpis modo rustica uitae
 gaudia nec iam dest grata taberna tibi.
Quid caupona tibi? Stabulum nunc gaudia praebet
 et tibi pro sociis foetidus hinnit equus.


[Zythophilus]

Code: Alles auswählen

Aethera tam maestam sortem plorare uidetur,
 sed lacrimis pluuiis imbreque gaudet humus.
Est sine luce dies exorta, tegunt nigra solem
 nubila. Phoebe, ueni! Gaudia grata refer!


[consus]

Code: Alles auswählen

Versibus impariter iunctis nescire fateris
  Femineos animos. Auxilio veniam:
Carmen* femineis Graecum de mentibus exstat:
  Versibus his lectis omnia perspicies.

-----------------------------------------------------------------------------
* Semonides, cf. E. Diehl, Anth. lyr. Graeca, fasc. 3 (ed. 2, Teubn. 1952).
V. 1sq.: χωρις γυναικος θεος εποιησεν νοον / τα πρωτα.