Nugae

[Zythophilus]

Code: Alles auswählen

Quodam uate putas te, Conse, iuuante ualere
 femineos animos perspicere. Hercle, sapis!
Cum fieri poterit, metra commemorata legemus.
 Aeque tum sapiens, docte sodalis, ero.


[Zythophilus]

Code: Alles auswählen

Vespere quae dixit, se cras dixisse negabit
 commutare sibi sensa licere putans.
Mobilis ut liquidum res et uariabilis aequor:
 Nulli perspicitur femina, crede, uiro.

[consus]

Code: Alles auswählen

Esse decem varias Graecus putat ille facetus
  Femineas species (nonne poeta catus?):
Sus, asina et meles, terrena marinaque, vulpes,
  Atque caballa, canis, simia, fortis apis.

[Zythophilus]

Code: Alles auswählen

Enumerare decem potuit genera ille poeta.
 Heu, uideo uarium femineum esse genus.
Plura licet sint his genera; unum constat: In orbe,
 quae sciat, haud uiuit, quid uelit, ulla uolens.


[Zythophilus]

Code: Alles auswählen

Intentus uideor pueros spectare neque ullam
 rem fugere hos oculos ausriculasque putant.
Intentus uideor, sed apertis somnior amens
 luminibus maestis meque cubare puto.
Me uigilare putant et se spectare, sed absens
 mens modo te spectat teque, puella, cupit.

[Zythophilus]

Code: Alles auswählen

Pollicitus Victor conuiuia larga sodalis
 ad sua nos nullis uersibus antra uocat.
Accipe tu gaudens ibi  pocula: Dona Camenae
 addemus calici, carmina si qua petes.

[Zythophilus]

Code: Alles auswählen

Pocula pollicitus poturos, Victor, amicos
  ad tua, ne sitiant, comiter antra uocas.
Tecta tenere puto tua sub tellure lagoenas.
  Quam ueniam, spero, tu omnia ne ante bibas!


[Zythophilus]

Code: Alles auswählen

Heu, cogitare suadet ille nil scribens;
num cogitare possit ipse, nescimus.
Monstrare lene carmen ipse non audet.
Scit ipse, cur tacere uult suam Musam.


[Zythophilus]

Code: Alles auswählen

Vis, o docte, tuas, o docte, tacere Camenas,
 sed tua uerba tamen miror inesse foro.
Non modo me, Flato, tu doctior esse uideris:
 Quaero: Quis docuit Musica iussa? Refer!
Iudicium timeo cunctis cum uatibus acre:
 Pluribus , heu!, lectis denique mutus eris .


[Zythophilus]

Code: Alles auswählen

Riderem, nisi res esset tristissima, Flato:
 Oscula dat reliquis, pedita Musa tibi.
Laedere equos nolo, qui terris stercora donant:
 Vtile enim stercus dicitur esse rosis.
Cum laedat nares, stercus non indiget usu:
 Stercora uoce ideo sunt meliora tua.


[Zythophilus]

Code: Alles auswählen

En, utrum eburneus est stilus an tibi ligneus? Ede!
 Aureus an promens ferreus ista crepat? 
Qualiscumque tuis digitis stilus, abice, quaeso:
 Foetor enim haeret ei merdaque - crede! - tenax.