Nugae

[Zythophilus]

Inualidus sanctam quem portat asellus in urbem,

o rex, te populus, Christe, salutat ouans.

Eripiunt homines manibus ramalia palmis:

haec tibi praecutiunt, hae tibi, Christe, mouent.

Et tunc turba tibi uenienti clamat „Hosanna!“

inque uiis uestes calcat asellus iens.

https://orthpedia.de/images/thumb/8/86/ ... 0424145833

[mystica]

[Zythophilus]

Qui comites Domini per tempora longa fuerunt,

omnes discipulos ultima cena uocat.

Tunc frangit panem, calicem dat fratribus ipse,

ut sint participes unanimique simul.

https://upload.wikimedia.org/wikipedia/ ... 0726024240

[Zythophilus]

Qua lepidas terras Hadriatica uerberat unda,

dicunt se laticum uendere uelle minus,

moenia ne uastans male sobria turba uagetur

neue homines uexent iurgia lisque grauis.

https://www.veneziatoday.it/attualita/d ... -2023.html

[Zythophilus]

Quem crucifixerunt, plagis rex occidit ictus

Christus et horribili denique morte perit

.

[Zythophilus]

Per nemus est iuuenis currens occisus ab urso:

Dicitur ingenti ui laniasse uirum.

An nescis homines te non petere, urse cruente,

sed, fera, mortales, stulta, timere uagos?

https://www.runnersworld.com/news/a4353 ... ern-italy/

[medicus]

Salvete poetae, intento animo carmen exspecto paschale nostro in foro.

[Tiberis]

ecce:

Urbi dat benedictionem et orbi
paschalem populisque deprecatur
pacem papa vetustior quotannis.
frustra. nam irrita vota sunt precesque,
nec morem gerit ille, quem invocavit.
non sistent homines cruenta bella,
numquam armis populi suis carebunt.
o natura hominum, obstinatione
summa quae interitum sibi pararit!

[medicus]

Salve Tiberis, carmen mihi valde placet, gratias ago plurimas.

[Zythophilus]

Haec festiua dies renouat Paschalia nobis

gaudia, uti uiuo laus sit honorque Deo.

Adstant, quos sibi aqua Dominus coniunxit, in albis,

unde beata dies nobile nomen habet.

[mystica]

[Tiberis]

Ovicatos si populo pararis
in tua quosdam globulos popina
hoc die , quem progenuisse constat
Hitler Adolphum,

punieris. cur ? cibum amasse fertur
praeter omnes dux merito odiosus.
sed vetari, quidquid amarit ille,
ridiculosum est.

https://www.heute.at/s/hitler-geburtsta ... -100266619

[Zythophilus]

Hoc sunt, Roma, die tua moenia condita quondam,

qua cita ut ante sacri Thybridis unda sonat.

[mystica]

[medicus]

Salve Mystica, hanc imaginem optime cum verbis Ciceronis composuisti. Mihi valde placet