Nugae

[Zythophilus]

Caedere progeniem populi parat auctor in ara,

cum sic sacrificans se probet esse pium,

at Dominus non uult genitorem caedere natum,

nam talis minime est hostia grata Deo.

http://www.zeno.org/Kunstwerke.images/I ... 1304505041

[Zythophilus]

Vltima quae lux est mensis iam paene peracti,

quattuor ex annis hanc modo solus habet.

[Zythophilus]

Me saeuum medicum non uis memorare, Camena,

nam lepidos uersus hunc meruisse negas.

Hunc medicum nequeunt uersus sanare furentem,

sed medicaminibus fortibus ipse caret.

[Zythophilus]

Saeuus ubi Caesar cursus instruxit equorum,

sic reuocans circum forma rotunda manet.

https://www.rommalanders.com/wp-content ... 81x344.jpg

[Zythophilus]

Qui silices Sciahti collegit ubique iacentes,

huic auido furi est poena ferenda grauis.

https://greekcitytimes.com/2024/01/24/v ... e-pebbles/

[mystica]

[ille ego qui]

More vetusto* si pangere licet, en versus evadit hexameter:

ATRI IANVA DITI‘ PATET NOCTESQVE DIESQVE.

Obiter autem, o Mystica, hoc ausim rogare: Tantum temporis insumpsisti ad omnes (!), quos umquam effuderas, nuntios delendos, quin immo eradicandos, ut pro certo habuerim te hisce foris in aeternum vale dixisse. tantillo autem post tota redux videris. quibus, si fas, rebus instincta sic egisti?

Semper vale!


(*) i.e. „s“ littera terminali muta

[ille ego qui]

en rogandum superadditum:

qua intelligentiā artificiali (sit venia verbo) usa istas imagunculas efficere soles? Midjourney? Dall-E?

vale.

[Zythophilus]

Nosce, quaeso, primam syllabam formae "patet" breuem esse.
Hunc ergo hexametrum propono
Ditis porta solet noctesque diesque patere.

[ille ego qui]

non nescio primam syllabam verbi patendi brevem esse.

sic volui:

_ _ | _ v v | _ vv (pa-)| _ (-tet) _ | _ v v | _ v

Nonne quadrat?

[Zythophilus]

Diti e duabus syllabis longis constat. Post Ennium talem syllabam corripere non licet.
Ecce, etiam pentametrum creaui, ut distichon integrum legatur.
Ditis porta solet noctesque diesque patere,

sed prius ingressos clausa redire uetat.

[ille ego qui]

istud ipsum est, cur "more vetusto" dixerim

[ille ego qui]

istud distichon certe placet!

[mystica]

[ClaudiaK]

Num luna in antro est?