Nugae

[Zythophilus]

Quae sunt festa Nouembribus Kalendis,
ut multi tumulos petant suorum
et claro decorant sepulcra flore
et candela flagret memor piorum
ac terrae grauitate conditorum?
Sanctis omnibus hic dies sacratus,
et, cum sit uacuus, iubemur omnes
carorum meminisse morturorum
et, quos mors rapuit, sepulcra eorum
exornare precesque luctuosas,
ut sit, fundere, Christus his benignus
parcaturque animis deo uolente.

[Zythophilus]

positiv.PNG (23.99 KiB) 12354-mal betrachtet

Iniecere mihi bis iam medicamen in armum,

sed tamen inuasit – uae – mea membra lues.

Tam mala non est res: Placida fruimur requiete,

postque aliquot potero linquere tecta dies.

[iurisconsultus]

rectene vales optime sodalis?

[Zythophilus]

Res cum ficta non sit, magis minusue ualeo. Paulum fessus sum et pituita doleo.

[ille ego qui]

modo fac, id quod est humanitatis tuae, ne quid aliud cures hoc tempore nisi ut quam commodissime convalescas!
(Cic.)

etiam lue affectus et infectus poetaris! etiam bibis, coquis, helluaris ...?

[Zythophilus]

Segnis nunc iaceo in lecto, cum dicitur acre

artubus et dirum uirus inesse meis.

Non dubito, quin sint in me uestigia morbi,

sed corpus ualidum non habet ipsa lues.

Ne mihi dira queant diffundi semina pestis,

ipse domi curo lege iubente cutem.

[ille ego qui]

nunc demum magnum illud carmen epicum exarare vacas, quod tot annos animo volvebas

[Zythophilus]

Nil praeter paruas potero componere nugas,

non dabitur tempus, quo mihi fiet epos.

[Tiberis]

quam primum ut superet luem malignam
noster Zythophilus, precamur omnes.

[Zythophilus]

O me, solliciti, scitote ualere, sodales,

nec, cum terribilis sit, nocuisse luem.

[Zythophilus]

Saeua necare parat Martini bestia mures

nec uitare necem uel fugere ulla potest.

Miror, edat felix uenatrix corpora murum

uirne inopinato gaudeat ille cibo?

[mystica]

-

[ille ego qui]

hahae!
vox terriculi mihi adhuc ignotum erat.
"formido" quoque dici potest

http://www.zeno.org/Georges-1913/A/form ... hl=formido

[mystica]

.

[Zythophilus]

Viuit adhuc Lochius, nec feles morte perempta est,

sed celeres mures dente doloque capit.

Cognitus ille mihi; feles modo imagine nota est,

quidque minuta tigris fecerit, ille refert.

Terra Polonorum uastissima patria utrique,

sed lingua est Latii maxime amata uiro.