- Code: Alles auswählen
Quaeris, amice ex me, cur absit ab urbe Gerardus.
Hinc dominae saeuae iussa secutus iit.
Labitur ex oculis absentis gutta poetae,
qui in stabulis uerso stercore curat equos,
cauponaeque memor lacrimatur Alesius amens,
pocula quae sicco plena liquore tulit.
Saepe subit uati tristissima noctis imago,
quamuis munere sit turbida, Bacche, tuo,
qua linquenda fuit domina caupona iubente
uasaque - uae! - liquit tot sibi cara dolens.
Vltima largiti meminit nunc pocula Bacchi,
cum perit in stabulis emoriturque siti.