De Eva Herman disceptatione exclusa

[Tiberis]

Tiberis cunctis sodalibus s.d.p.

Equidem prorsus obstupui ,quanta indignitate Ioannes Kerner, moderator sermonis hesterni, Evam Herman, quam propter librum nuper editum ipse invitaverat, coram publico tractaverit. Cui neque profuit, quod de sententia sua interrogata saepenumero affirmabat, quantum a mente cogitationeque nazistarum abhorreret, neque quod eam sententiam vita sua adhuc probaverat, neque quod plurimi auditorum ei favere videbantur. Quin etiam, quo magis se excusabat, eo paratiores ceteri ad eam inquinandam fuere. O spectaculum indignissimum, quod iudicia “sancti officii” in memoriam mihi revocaverit ! o statum orationis liberae miserrimum, si non potest fieri, ut aperte dicantur, quae opinione communi aliena sint !
Tristissima illa disceptatione audita mihi in mentem venit illud Platonis: “μη γενωμεθα μισολογοι, ωσπερ οι μισανθρωποι γιγνομενοι. Ως ουκ εστιν, οτι αν τις μειζον τουτου κακον παθοι η λογους μισησας.» (Phaid.89d)

valete.

[romane]

sed non licet publice assentire

[consus]

Consus Tiberi amico suo honesto atque ornato s.d.p.
Mihi quidem nimia garrulitas eorum, qui eius generis divulgationibus televisificis intersunt, odio est; qua de causa hanc rem a te commemoratam meis ipsius oculis non vidi, sed commentariis lectis, quod ad illam indignitatem attinet, tecum plane consentio. Equidem putare ausim moderatorem illud discidium, quo plures spectatores posthac allicere sibi posset, iam inde a principio cogitate molitum esse: indignum facinus! Verba Platonis commodissime allata!
Bene vale. III Id. Oct.

[juergen]

Martinus Walser dixit:

"...Sie sind abhängig von den Funktionären der Produktionsmittelbesitzer; abhängig von den Funktionären öffentlich-rechtlicher Körper­schaften. Die Funktionäre sind Intellektuelle im Dienst der bestehenden gesellschaftlichen Verhältnisse. ... Je höher ge­stellt die Funktionäre sind, um so schärfer vertreten sie das Interesse der Gesellschaft konservativ. Das kommt vielleicht schon von der Bezahlung. Es gibt in den oberen Rängen der Meinungsindustrie Gehälter, die wenig mit Bezahlung, dafür um so mehr mit Bestechung zu tun haben...

(DIE ZEIT, 3. 3.1972)

[Apollonios]

quia mihi televisor non est, omnia quæ me nota de ista causa sunt testimonia comitum et actorum. quamvis audeo ostendere opinionem:
quamquam stulta erant verba illæ Evæ Hermanis, consentior ineptum fuisse Iohannem Kernerem in linguam eam vetando.
tamen prorsus horribile mihi illam Hermanem laudavisse reputationem matrum in tempore tyrannidis, quia matris exspectabatur officiosissime filios in bello perdituros parere. quod non accepto honorem esse pro matris!
Ioannes Kerner stultitiam rependit sorde, ecce uterque vituperandus.

[Tiberis]

Tiberis Apollonio s.d.p.

si Eva Herman -a cuius sententia nonnullis de causis ex magna parte abhorreo - statum feminarum, sicut erat in "imperio tertio", laudibus extulisset, ratio quaedam fuisset in ea excludenda. sed cum identidem dictitaret longe aliter se sentire, quia partes femineae a nazistis depravatae essent, nimia sermonis simplicitas ei detrimento fuit. ceterorum enim minimi interfuit "etiam alteram partem audire" : immo sententia iudicum iam pridem constabat eam cum diabolo foedus fecisse. quod frustra eam abiurasse apparet: ad mortem televisificam damnata est.