hortatio fabellae nataliciae Latine reddendae

[consus]

Consus Apollonio Tiberique amicis suis s. d. p.
Me quoque gaudere scitote, quod Tiberis rei se nostrae adiunxit. Quem et alios sodales in hac re spero imitaturos esse; nonne enim imprimis nuntiis Latine scriptis forum nostrum ceteris oportet praestare?
Quod vero ad diem qua opuscula nostra mittantur attinet, controversiam vitandam esse censeo; qua de causa hoc velim proponere: Suam quisque diem dicat, dummodo ne sit ante diem 14 neve post diem 21 mensis Decembris.
Optime valete. III Non. Dec. Ex Quirini Campo.

[Apollonios]

tua est sapientia quasi Salomonis, Conse mi optime.

[Tiberis]

eu ! sententia Consi nostri et mihi probatur. non enim de certamine agitur; qua de causa fabellas nostras eadem die proponi non necesse est.
ergo incipiamus!