De nova quaestione Homerica

[consus]

Consus amicis suis sal.
Nova exoriri videtur quaestio Homerica. Initio enim mensis Martii Radolfus Schrott, scriptor Austriacus, foras dabit librum, qui inscribitur Homers Heimat – Der Kampf um Troja und seine realen Hintergründe, id est De Homeri patria - De bello Troiano eiusque causis veris. Persuasum sibi esse scribit Homero Iliada componenti bellique loca proponenti nullam aliam regionem nisi Ciliciam ante oculos obversatam esse. Equidem exspectatione sum suspensus...
Valete.

[Clemens]

ecce http://diepresse.com/home/kultur/litera ... 8/index.do

[Apollonios]

Homerum vixisse nescimus; eum cæcum esse haud dubitabile.
gratias Radolfum Schrottem nunc etiam Homerum scimus eunuchum fuisse. - gratias et tibi, Clemente, pro inscriptione interretiali.

[Gustav]

... et James Cameron (rector teniolarum ~ vulgo Regisseur/Director) - mehercule - invenit anno 2007 tumbam Christi et familiae Christi.
vere vivimus in temporibus clarissimis.

valete, optimi

[consus]

Consus amicis suis s. d. p.
Permultas his diebus in rete reperietis coniunctiones, quae ad Radolfi Schrott thesin Ciliciensem pertinent. Operae esse pretium videtur etiam legere, quid Ioachim Latacz, clarissimus ille professor Basiliensis rerum Homericarum peritissimus, de illa thesi scripserit*. Orta est controversia...
Valete.

---------------------
*http://www.sueddeutsche.de/kultur/artikel/952/150580/

[Tiberis]

Tiberis Conso suo ceterisque pariter sal.

Non est dubium, quin futurum sit, ut liber Radolfi Schott a multis summo studio legatur. Nam ipsis temporibus nostris permulti esse videntur, quorum pluris intersit novas quam veras res cognoscere. Quam rem Radolfus Schott ut poeta ingeniosus ad lucrum certe revocabit. O tempora vere insana , quibus homines ad mirabilia credenda paratiores sint quam ad studium veritatis ! at semper quidem fuere, qui velut a loco externo ea , quae solida adhuc et certa viderentur, novis argumentis concusserint, ut puta Alfredus Wegener, qui, cum negaret continentes esse immobiles, collegas suos ad vehementissimam controversiam lacessiverit. Tamen Radolfum Schott cum Alfredo Wegener comparare non licet. De illo enim quid dicam, qui sine ulla modestia affirmaverit se quasi “ lapidem sapientium” invenisse , qui , quae a doctissimis et rerum Homericarum peritissimis viris investigata et probata fuissent, summa neglegentia praeterierit ?
Cui quidem Ioachimus Latacz luculentissime respondit litteris in “actis diurnis Germaniae meridionalis”(Süddeutsche Zeitung) editis. Quid - μα Δια - de illo dicamus, qui in ipso nomine Homeri explanando nullam differentiam facit inter Omerum et Homerum ?


valete.

[christianus]

loquiturne cognomen ipsius pro re?

[Brakbekl]

Salvete,

Non obliviscendum est, illum unum scriptorem esse, qui ars scribendi quasi negotio utitur vel megliore abutitur.

Mihi ex longo tempore dubitandum esse videtur, an Schliemann certe persona aurea, de qua Priami esse creditur, invenit illo loco, vel eo ponit, et universo mundo inventum esse dixit.

In summa mihi suspectum est, quod in ultimis temporibus et tantis locis invenitur....

[consus]

Hoc ipso die, amici carissimi, Radolfi Schrott, professoris Oenipontani, liber bibliopolis traditus est: 24,90 € (D). Nunc est legendum, nunc argumenta diligenter ponderanda... Equidem nescio, quem exitum res habitura sit.

[Zythophilus]

Code: Alles auswählen

Versibus una duo fert gaudia picta lagoena,
 natalem lepide quam reserabis agens.
Numen adesse duplex Bacchum Musamque uidebis:
 Metra bibensque leges uina legensque bibes.


[consus]

Equidem, optime Zythophile, lagoenam istam, si versibus Graecis vel potius Homericis ornata esset, facilius ad novam quaestionem Homericam referri potuisse puto...

[Sokrates Palaios]

Code: Alles auswählen

Cum venerit adhuc, libenter legamus Homerum;
 Cum intersit Raoul Schrott, subito defugiam.

[Zythophilus]

Code: Alles auswählen

Illa metra ingenti si uis mandare poetae,
 scito uersiculos, Conse, fuisse meos.
Iam non suspicies tibi lecta haec carmina Homeri:
 Noris Zythophili composuisse manum.

[Zythophilus]

Code: Alles auswählen

Te ruri cogit uersare, Gerarde, puella
 nec miserum retinens Vindobonam ire sinit.
Tristia agens stabulis nunc tempora solus acerba
 stercore quadrupedum pocula olente bibis.


[consus]

Hi quoque versus facetissimi quid ad Homerum, optime? Qui tamen, si tuum ipsi carmen liceret legere, summa perfunderetur voluptate.