de incendio Philharmoniæ

[Apollonios]

in Berolino hodie calamitas est: tectum ardet Philharmoniæ, illius præclari ædificii Iohannis Scharounis! magna cum mæstitia scribo istud. speramus ut servetur locus ille amœnus artium.

[Zythophilus]

Code: Alles auswählen

Tecta dicata sonis et amicis tecta sonorum
 ingens horribili flamma furore uorat.
O sedate manu, uigiles, incendia forti,
 tristis in exilium ne Polyhymnia eat!


[Zythophilus]

Code: Alles auswählen

Est fugienda domus, calices si femina caros,
 cum sitias, Victor, ducere saeua uetat.
Suntne tibi calices? An potibus impedit illa?
 Altera erit mulier copa feretque merum.


[Apollonios]

servata est Philharmonia viribus unitis vigilorum quibus maximus honor sit, maxima gratia! quamquam impensum est detrimentum, camera magna non est deleta, et instrumenti servati sunt. nihilominus expensæ multæ exspectandæ sunt; speramus nonnullos nummatos iuvare.

[Zythophilus]

Code: Alles auswählen

Ignibus erepto gaudet Polyhymnia templo.
 Seruarunt uigiles tecta dicata sonis.
Heu, tamen ingentem faciunt incendia cladem:
 Nunc opus est nummis, ut renouetur opus.