alterum certamen poeticum

[Apollonios]

memor et iucundissimi certaminis poetici et propositionis de carminis componendis, amicis propono alterum certamen, in quo non translationes sunt quæsitæ sed opera petita propria. materia inventa, contubernales versus componant usque ad diem condictam. in ordine alphabetico, quisque comes proponat sui gradus materiam.
condicio mihi bene videtur ut plus quam unum poema eodem in gradu nemo monstret.
comites quid censent?

[Tiberis]

iucundissimam mehercle rem nobis proponis, mi Apolloni. si bene te intellexi, de qualibet re nobis licebit versus componere? tamen, priusquam iucundos hos labores subimus, quaerendum est, quot versus singula carmina continere debeant, ne opera nostra longitudine nimis inter se differant.

bene vale!

[Apollonios]

recte dicis, Tiberis sagacissime; fortasse longitudo apta est non brevior decem, non longior sedecim versus.
præterea propono metrum prædicendum non est.

[consus]

Ingeniose quidem et subtiliter excogitatum, Apo optima , sed – pro dolor! – quod ad me ipsum attinet, poeta non sum.... neque tamen me subducam.
Quod vero ad certaminis rationem pertinet, ex te quaero, quid sentias non solum de thematis proponendis, sed etiam de constituendo uniuscuiusque certaminis initio atque fine.

[Apollonios]

non solum mihi fandum sit atque officium proponendi themata, sed libenter incipiam.
unæ hebdomadæ spatium satis esse censeo, ergo incipiemus crastino die, hora occasus solis, et finiemus die Martis postera, iterum hora occasus solis. tres diei satis esse puto pro æstimando certaminis poemata.
thema primum cras dabo, initio certaminis. pro secunda parte certaminis incipiente, ni fallor, sabato hebdomadæ posteræ, precor proponere thema illum contubernalem cuius nomen sequitur in ordine alphabeti.
spero omnia meminisse nec ullum omisisse vel momordisse.

[Zythophilus]

Code: Alles auswählen

Quin mihi propositum placeat iungarque poetis,
 carmine qui certent, ne dubitate, uiri!
Versus promptus ero de qualibet edere causa:
 Rem mihi dic hodie: Cras metra nostra leges!


[Apollonios]

contubernales cari precor pacisci an conditiones propositas aptas essent. fortasse nimis spatium hebdomadæ, melior esset quartanus certamen. nihilominus Zythophilus ne censeat omnes eum æquare celeritate.
ceterum precor ne poemata monstretis ante ultimam diem certaminis, hora meridie.

[Zythophilus]

Code: Alles auswählen

Iussa sequar. Rapidae sunt nostrae adhibenda Camenae
 frena, mea ante diem ne metra prodat agens.

[consus]

Placent proposita, Apo optima! Octo dierum spatium: bene! Festinemus lente! Neque enim properato opus est.

[Zythophilus]

Code: Alles auswählen

Quid minime properans faciam, mihi dicite, amici!
 Carmina quae dictat, Musa sequenda mihi est,
sed quae propositis lux uiderit altera rebus,
 non cernent nonum uerstri oculi ante diem.


[Apollonios]

longe animo volvebam quid sit thema primum certaminis, donec sevocata carmine merulæ dulci subito inveni materiam - scribamus ergo de
cantu volucris.

Rogatu Consi spatium certaminis aliquantulum extendi: commodius censeo esse spatium sex dierum.

Carmina ne sunto versuum minus decem neve plus sedecim.

mementote camenæ vestræ proponere postero die Martis, de meridie ad solis occasum in spatio.

iuvant sapiens Minerva Musagetesque venustus.

[consus]

Code: Alles auswählen

Carmine nos volucrum poscis describere cantus:
  O rem difficilem! Quae mihi Musa favet?

[Apollonios]

mementote comites
diem Martis accurrentem:
quemvis carmen cudentem
deæ amant adfabiles!
quamlibet labor gravis
iuvet Euterpe suavis.

[Apollonios]

Apollonios sodalibus sal.
absentia Consi nostri obligata officium accepi et gaudiam carmen suum monstrare.

-----------------------------------------------------------------------------------------------------

Equidem quamquam poetam me esse nego, amici carissimi, tamen Apolloni nostri rogatu trementi manu stilum in cera duxi, idque more mediaevali. Ignoscite...

De cantu volucrum

******************************************************

Omnibus diebus vitae / voces raucas audio:
Sublimes aëroplani, / rotae strepunt in viis;
Ferri viae procul sonos / auribus excipio.

Aures pertunduntur nostrae / rebus tam contrariis:
Nulla pax nec ulla quies: / clamor explet omnia.
Nostrum quis non cruciatur / sonis illis dissonis?

Nec est causa lamentandi! / Recreabis animum:
Cum in hortis, cum per prata / otiose ambulas,
Cantus te permulcet dulcis / avium complurium.

Hilarat te philomela / voce tam clarisona.
Cantat laeta et fringilla / et alauda iubilat.
Longum est enumerare / volucrum tot nomina.

Una tamen sit laudata / in extremo carmine:
Cornix est, quae arte facta, / muta neque crocitans,
ut palumbes arceantur, / horti stat in gramine.

****************************************************

[Apollonios]

cantu dulci merulæ
excelso de tecto,
canore dilecto
simili lusciniæ,
omni die sum turbata,
de labore desperata.
quomodo laborem
sub istum clamorem?

portam et fenestellam
tum claudam auresque:
ores laboresque!
venit quies in cellam.
ne volucris carmina
turbent mea opera!
camena defecta
iam spe sum deiecta.

-----

edit:
ignoscant sodales. horologium fori non iam monstrat meridie - sed horologium ecclesiæ dudum sonavit duodecies. puto illud distinctius esse.