alterum certamen poeticum

[Apollonios]

Apollonios sodalibus sal.

Code: Alles auswählen

papiliones parvulæ
alis volant gemmeis
volitant in camera
strident in cucina
albidæ, levissimæ
tamquam læta genia,
animi beati.

heu me miserabilem!
demoliuntur tineæ -
sicut dixit Dominus -
omnes meas opes!
est divulsum sericum,
in amictu foramen,
vermes in farina.

[Zythophilus]

Code: Alles auswählen

Fusca meas aedes habitat – uae! – non sine amicis
 blatta diuque suas has putat esse procax.
Ala rubore micat, thorax durissimus armat,
 sexque citis pedibus uerbera nostra fugit.
Nostra culina cibos praebet; fur dirpit audax,
 quidquid non retinet pyxis aena sera.
Tota domus blattae est; percurrere cuncta uidetur.
 Quo dormire solet blatta molesta loco?
Nidus ubi mihi erit lectusque repertus eorum,
 gaudebo manibus calceque monstra necans.


[Zythophilus]

Code: Alles auswählen

Per mea tecta uolat, uolat assidue – hercle! – susurrans
 alis pernicibus bestia saeua: Culex!
Cernere eum nequeo, timeo sed nocte susurrum
 insidiasque malas. Aufuge, saeue culex!
Sanguine clam frueris nostro peiorque susurrus
 insanire siti me facit, hercle, culex!
Considet ore tuo; colaphos ignosce, puella!
 Hercle! –, susurrat iens. Fugit ab ore culex.
Caedere eum uolumus, perit – heu! – ui fictile carum.
 Labor eum uenans. Bracchia laesa dolent.
Te nunc occidi! Reor. Accipio – hercle! – susurrum.
 Vescere nunc – cedo – sanguine, laete culex!


[Apollonios]

Apollonios sodalibus atque vatibus.

versibus diversis confectis nunc habeamus dies tres mirando opera. te Zythophile precor proponere thema novum die Martis, nisi aliquis contra sentit.

[Apollonios]

mihi placent imprimis versus tertii poematis Zythophili - bene videtur prœlium contra culices incommodos.

[Zythophilus]

Code: Alles auswählen

Nos proponere rem causamque iubetis, amici,
 ut stilus efficiat scripta legenda leuis.
Lege iocos metrica lepidis dare uersibus hortor.
 Adsint Pierides! Tu quoque, Phoebe, faue!


[Zythophilus]

Code: Alles auswählen

Sint breuiora, iocos quae portent, carmina. Posco,
 huic ut quisque ferat carmina bina foro
Mercuriique dies stupeat uersusque iocosque,
 carmine cum lecto rideat omnis homo.


[Zythophilus]

Code: Alles auswählen

E pueris quaerit praeceptor: „Vbi Baleares?“
 Se uidisse negat stultior ecce puer.
Se celasse negat Baleares cetera turba.
 Hanc rem praeposito stultitiamque refert.
Re nota suadet director adire ministrum:
 â€žSi quid humi iaceat, colligere ille solet.“


[Zythophilus]

Code: Alles auswählen

Corpora cum doleant, medicum uir consulit: Iste
 nil morbi inueniens suspiciensque refert:
„Ignoro morbum. Calices causam arbitror esse!“
 â€žCum non potus eris, docte, rogandus eris!“


[Apollonios]

Code: Alles auswählen

ænigmatum unus mundi   vix est solvetur:
unde augusti centauri   habeant pullos!
hilariter equitantes   puellas vidi,
tergis equorum pugæ   firme adnexæ.
repperisse me puto   Cheironis neptes!
tamen quæstio movetur   ubi sint matres?