von Apollonios » Di 2. Sep 2008, 18:35
salve Conse,
iste Kippenbergis crux importune spectatoris oculos coget ad tædium. in rationem artificis illa rana sibi vult symbolum ipsi violati, denudati - fortasse et vinolenti, ut monstrat cadus in manu ranæ. in oculis meis non prorsus imperitis artibus, immaturum est opus crudumque, dignum tironis, non technici. sed fides non deletur stultitia.
pictura Ropis ostendit temptatio sancti Antonii. videtur in cruce per Christum pulchra mulier venusta, dulce subridens ad monachum valde confusum, rosis coronata et cruce fixa non clavis sed redimiculis levissimis. Antonius videtur legisse historiam de continentia Iosephi. pictura in libro monstrat uxorem Potipharis et Iosephum in scenam illam notissimam.
vultu distorte, figura diaboli cucullo rubro amicta Christum de cruce arripit. signum in cruce fixum non iam INRI est sed - EROS. in tergo mulieris super libros plenos sus scenam observat. sinistra parte, duo angeli volant - primo visu, nitidi videntur cum floribus, sed capita et brachia calva sunt et ossa nuda.
certe, Ropis pictura temptationem modo monstrat acerrimo - sed bene considerantem nihil se præfert nisi veritas bene nota: est temptatio et ante oculos inque cordis sanctorum.
וָ×ֹמַר מִי־יִתֶּן־לִּי ×ֵבֶר ×›Ö·Ö¼×™Ö¼×•Ö¹× Ö¸×” ×ָעוּפָה וְ×ֶשְ××›Ö¹Ö¼× Ö¸×” ׃
et dixi quis dabit mihi pinnas columbae ut volem et requiescam
ps. 55,7