De die Latino edendo

[Zythophilus]

MZ SODALIBVS
Indicatum est mihi "diem Latinum" quadam in statione radiophoica, cui nomen est Kiss FM editum iri, sed nescio, qui dies futurus sit. Fortasse sum caecus, ut indicem diei non inueniam.
http://www.kissfm.de/cgi-bin/WebObjects/KissFM.woa/wa/CMSshow/1758391?wosid=8Qf4hGWXNpSGAtnd9Hf1M0
Quis diem scit?
VALETE

[Tiberis]

salve, o Zythophile!

Fortasse sum caecus,

ne id tibi curae sit. nam ego quoque in pagina supra dicta diem , qua statio illa radiophonica lingua Latina emittere dicitur, non inveni.
sed gugulando facile invenies diem quaesitum - qui dies erat a.d. XIII.Kal.Oct. - modo praeterisse.
ceterum pellicula brevissima eius rei exstat , in qua moderatores habitu Romano induti schedula in mensa posita - horribile auditu - pauca potius evomunt quam recitant , quasi numquam antea ullum verbum Latinum sint locuti, idque elocutione vere Berolinensi ("salvehthö").
nemini equidem detrimento esse puto, si id eum praeteriit..

vale !

[Zythophilus]

SALVE, O TIBERIS!
Cum imagines motas loco a te indicato inuenerim inspexerimque, iam aegre non fero, quod sero illa de re certior factus sum. Recte iudicasti, docte sodalis.
Vt desint uires, tamen est laudanda uoluntas.
VALE