Annus urbis MMDCCLXI vobis faustum fore spero.
Salvete, amici.
Duo - pro dolor! - sunt annorum computationis modi. Zythophilus noster cum annum novum esse a. U. c. MMDCCLXI scriberet, secutus videtur esse Catonem sive computationem quae vocatur Capitolinam. Qua enim comprobata Romam vere anni a. Chr. n. DCCLII conditam esse putamus: DCCLII + MMIX = MMDCCLXI. Est autem altera ratio, quae cum a Varrone constituta sit, Varroniana appellatur. Qua recepta Romam conditam esse arbitramur anno a. Chr. n. DCCLIII: DCCLIII + MMIX = MMDCCLXII.