de Ovidii nativitate

[Apollonios]

Publii Ovidii Nasonis est hodie dies natalis!
ecce illam imaginem - nonne iucundissimum est? videtur poeta veneria scribere...

[Zythophilus]

Docte legendorum, natalem, lusor amorum,

grata tuum peragit Musa Venusque docens.

Versiculis gaudet sibi amata puella dicatis

uirque metris gaudet consiliisque tuis.

Et tua mutatas dixerunt carmina formas

uoluentisque poli signa diesque sacros.

Eripuit patriae ludentem Caesaris ira:

Num mihi quae fuerit, dicere, causa potes?

Quid tibi profecit tum tristia mittere Romam?

Mortua ab ignaris membra sepulta Getis.

Ingenioque tuo quereris periisse, poeta,

ingenioque tamen uiuis et arte tua.