Salvete, amici.
Cum Procopi secundum de bello Gothico (BG 2, 5) legerem, in rem incidi sane memorabilem, qua non medicriter me obstupuisse fateor.
In proelio miles quidam Romanus telo percussus est, idque prope nasum et supra oculum dextrum. Multo maior quidem teli pars pondere suo defracta est, sed cuspis per faciem infixa sub cute adeo latebat, ut ab illo milite omnino non animadverteretur. Quadriennio post cuspis illa ferrea αá½Ï„ομάτως, id est sua sponte, per cutem sensim foras exiens oculis subiciebatur, biennio tandem post e facie videtur tota excessisse.
Res utrum mira sit et ficta an vera et solida, aestimari oportet a medicis.