nuper adventus

[stephanus]

salvete!

nomen mihi stephanus, xxxvi annos agens, linguas quam antiquissimas amans sum.

adhuc latina numquam ad loquendum usus sum. spero autem consuetudinem doctiorum me usui esse mihi.

paululum iam legi hoc in foro et scientiam sollertiamque scribentium multum iam admiravi.

in circulo vestro me humilem accipitis?

reverentias agens

stephanus

[Sokrates Palaios]

Salve, Stephane!
Carus omnibus nobis exspectatusque venies hoc in forum. Veri simile est ceteros quoque sodales laetos te salutaturos esse.
Bene valeas!

[Medicus domesticus]

Medicus Stephano salutem dicit plurimam!

Te quoque in foro Latino nostro saluto! Iuvat Latine scribere et legere scripta sodalium Latinitatis cottidie.
Forum, quod "Latine loquendi" appellatur, semper est apertum amicis sermonis Latini.

Optime vale et feliciter

[consus]

Ignosce, amice, quod iambico usus trimetro ad te scribo:

Agedum! Latinos nuntios* mittas precor.


__________________________
* Cf. aenigmata, itineraria, nugae ...

[Zythophilus]

Consus amat trimetros; Martinus disticha praefert.

Quaeue legit Stephanus metra uel ipse facit?

[consus]

Nescio quae Stephano nostro sint carmina grata:

Versus qui placeant eligat ipse sibi.

[stephanus]

Versibus libenter canerem.
Mens volat, lingua sequitur, scientia tantum abest.
Utinam deus numquam metris me metiatur!

[consus]

... Mens volat, lingua sequitur, scientia tantum abest....

Lingua Quiritum loquere quaeso fortiter,
ut impleat doctrina mox mentem tuam.

[stephanus]

Cur mi, Musae, insitus poetae spiritus liber?
Nunc labra clauditis quo tempore cantandum est.