De verbis novandis

[consus]

Salvete, amici.
In actis diurnis nudius quartus inter alia haec legi verba novata (FAZ, 19.9.2009, p. 6):
Mehrwertsteuer fiscale pretii additamentum
Playboy iuvenis voluptarius
Globilisierungsprozess globalizationis [sic!] processus
Migrationsströme commeatus migrantium
unkontrollierte Ausbeutung* der Erdressourcen immodicus opum terrenarum usus
Wirtschaftskrise angustia oeconomica
nachhaltiges Wachstum incrementum reapse sustinendum
Entwicklungshilfe subsidia internationalia
Mobilität des Finanzkapitals mobilitas capitalium nummariorum
e.q.s.
Eheu, paene oblitus huius sum vocabuli, quo hodie quidam sodalis ausus est uti:
Threadcreator (quae vox Theodisce pronuntiari solet srett-krie-éjter ): auctor staminis.

__________________________
* Emendavi auctore Apollonio.

[Platon]

Playboy i.e. iuvenis voluptarius

Sed multa exempla istorum iuvenum voluptariorum a senibus et sumi possunt et sumenda sunt, qui ipsorum iuventutem recreari volunt aut pecunia aut "caespite vivo", hoc, ut exemplo singulari utar, haud mihi ita iuvenale videtur (aspicite virum, quaeso ):

[consus]

Ecce senem niveae circumdant undique nymphae:

Quae fecere senem, qui fuit ante puer.

[Platon]

Annos si tot habet senex ille quot nymphas...

[consus]

Bis terna atque decem perfecit lustra serenus

Ille senex. Nymphae num totidem pol ei?

[Platon]

Si numerare cupis, quot sint ei nymphae
aut fuerint, possis stellas etiam numerare
aut Pylios annos aut lectos patri deorum.
Unam adfinge modo, ecce, Corinna venit!

[consus]

Grata viro nymphae praebent tot gaudia cano:

Quid mirum? Fautrix est Venus ipsa senis.

[consus]

Addenda.
Deregulierung des Arbeitsmarktes deregulatio provinciae laboris
soziales Netz rete tutelae socialis
ethische Zertifikate comprobationes ethicae
Mikrofinanzwesen microaerarium
Non-Profit-[ ]Organisatonen societates quae lucrum non persequuntur.
Haec hactenus.

[Zythophilus]

Is multas habuit; quot nunc, non dicit imago.

Progeniem potius cingere credite auum!

[Zythophilus]

Iuuenem, quem uoluptarium uocare uolunt, graecari uel pergraecari puto. "Graecator" ergo mihi nominandus uidetur.

[Platon]

Iuuenem, quem uoluptarium uocare uolunt, graecari uel pergraecari puto. "Graecator" ergo mihi nominandus uidetur.

Qui habet gregem paelicum, quae Arabice "Harem" appellatur, aut polygamia libentissime fruitur, melius mihi videtur "gallus" nominandus, vide etiam verba Erasmi, ubi "Polygamus" dicit: "si haec octava moreretur hodie, perendie ducerem novam. Imo hoc me male habet, quod non licet habere binas, aut ternas, cum unus gallus gallinaceus tot gallinas possideat."

[consus]

Nonne licet 'moechus' quoque, 'cunnio' dicere nobis,

si quis amator adest? Rustica dicta placent.