DE VERBIS NOVANDIS

[ille ego qui]

iam a rebus summis aeternis caelestibus, sodales, ad rem cottidianam necnon sat pulchram descendamus:

"Schleife"
------------
hoc verbum difficulter Latine reddi mihi videtur. dico eam "schleife", quam in donis chartis multicoloribus involutis et in calceis nunc efficere solemus.
nonnullis lexicis inspectis haec inveni verba, quibus acune res tangatur, satis dubito:
- taenia ("band")
- cyclus, gyrus (quae verba lexico "Pontili" commendatur ascripta voce compendiaria "inform.", quam ad artem "informaticam" spectare censeo )
- laqueus (cui verbo Georgesius - unde hausi - ascribit: "ad trahendum")
ipse de verbo nodi cogitabam, quod tamen saepe illi "schleife" prorsus contrarium esse atque opponi videtur.

vos quid sentitits, doctissimi sodales?

[ille ego qui]

lexicon recentis Latinitatis (Neues Lateinlexikon) habet vocem flocculi

[Tiberis]

in lexico ab Ottone Güthling edito legimus: "schleife" > taenia in laquei speciem collecta
quod ut nimis longum mihi minime placet. equidem censeo non esse , cur a verbo nodi abhorreamus. quid aliud est id, quod quaerimus, nisi nodus voluminibus quasi ornatus ? nescio an dicere liceat etiam hoc: "nodus voluminosus", sed hoc attributo non opus esse arbitror.

[ille ego qui]

gratias tibi ago, mi Tiberis!

[ille ego qui]

---------------------------------------------------------------------

salvete sodales,

hodie quomodo "smiley" Latine dicatur quaero
sunt qui (seu Germanico seu Anglico seu alio sermone loquentes) verbo admodum barbaro utantur, quod est "emoticon". mihi ex tempore nihil in mentem venit nisi "vulticulus".
quid vobis videatur, resciscere velim.

ILLE vulpii aemulus

[marcus03]

Pro aspectu specifico:
subrisor
subridens

pro aspectu communi:
Creare ausus sum:
"faciella" /"faciuncula"

[ille ego qui]

gratias tibi ago.

ego ipse nescio, num diminutivum verborum quintae (vulgo e-)declinationis exstet et quomodo conformetur?
faciella? faciuncula?
velim videre deminutivum si non "faciei", at certe alterius verbi quintae declinationis ... magna me tenet expectatio, numquid inveniatur.

fortasse ita dicere licet:

appingere vultum / faciem ridentem ...
facie ridenti* appicta ...

an aptius videtur "facies ridentis, irati, laetantis" - genetivo?

valete.


___
* -is, si participium pro adiectivo adhibetur ... anceps sum, utrum aptius sit ...

[ThomasVulpius]

[imāguncula sensuum]

[consus]

Equidem, amici, aptum censeo esse verbum hoc: oscillum*
------------------------------------------------------------------------------
*Cf. http://www.zeno.org/Georges-1913/A/oscillum+%5B1%5D.

[consus]

smiley] Equidem, amici, aptum censeo esse verbum hoc: oscillum*
------------------------------------------------------------------------------
*Cf. http://www.zeno.org/Georges-1913/A/oscillum+%5B1%5D.

[ille ego qui]

optime respondisti, mi Conse.
...
scisne tu aliquid de deminutivis quintae declinationis?
valeas

[consus]

...scisne tu aliquid de deminutivis quintae declinationis?...

diecula (< dies), recula (< res), specula (< spes).

[ille ego qui]

benigne!

[ThomasVulpius]

in lexico ab Ottone Güthling edito legimus: "schleife" > taenia in laquei speciem collecta
quod ut nimis longum mihi minime placet. equidem censeo non esse , cur a verbo nodi abhorreamus. quid aliud est id, quod quaerimus, nisi nodus voluminibus quasi ornatus ? nescio an dicere liceat etiam hoc: "nodus voluminosus", sed hoc attributo non opus esse arbitror.

Propono: torus, -i m.
Apud Ciceronem repperi: CIC. orat. 21 addit aliquos ut in corona toros.

[ille ego qui]

ad "urknall"
--------------

in libro, qui inscribitur "liber tibifas", est: "crepitus primigenius"