DE VERBIS NOVANDIS

[ille ego qui]

hem ...
re diligentius considerata delibero, utrum "spumiculae" an "spumulae" aptius sit nomen.
nonne enim ea diminutiva, quae in "-(i)cul..." desinunt, plurima a vocabulis vel tertiae declinationis ("particula") vel quartae ("articulus") vel quintae ("re(s)cula") ducta sunt? quod si verum est, "butticulam" ad "buttem" ("buttis, is") - quae quoque exstat species - referre praestare censeo. contra primae et alterius declinationis verba plerumque ita diminui solere mihi videntur, ut stirpibus seu radicibus** "-ul..." ("casula", "puerulus") agglutinetur. cuius rei nonnullas esse exceptiones me non fugit ...

vale


_______________
** utrum verbum stirpis an radicis ad istam rem grammaticam aptius est? dicite, quaeso

[ille ego qui]

IGNES ARTIFICIOSI] Nonne ignes festi artificiosi esse solent?

certe! sed quid inde colligis? nonne hoc potissimum, utrumque nomen rem satis complecti?

[consus]

Lege modo, sagacissime amice, quid scipserit du Cange. Neque id praetermittendum est quod de vocabulo bottiglia in quodam indice etymologico Italico scriptum videmus. Noli quaeso oblivisci ollam cum ollicula coniunctam esse: Quare non spuma cum spumicula? Verbum Italicum spumiglia constat ductum esse a *spumicula. Sequitur ut verbum spumiculae Romana quasi civitate donandum esse censeam.

[ille ego qui]

num nihil habetis, quod ad meam de genetivo sententiam respondeatis? flendum est!! ( )

en rapior ad alia:



ista, quam videtis, tabernarum congeries (an quomodo melius dicas "anhäufung von geschäften", dicite quaeso! ), quam nescio an porticum appellare liceat, abhinc aliquot annos in oppido Erlanga exstructa "Arkaden" vocatur. quod nomen ab Arcadia ductum esse diutissimi persuasum habebam - falso, quod his paucis diebus ex redintegrato veriloquiorum studio didici. o me vervecem! appellantur enim "die arkaden" ab arcubus, non certe quo basilica illa Erlangensis in arcum incurva videatur, sed ex hac similitudine:



quomodo igitur Latine appellemus Erlangenses has "Arkaden", quod equidem ut Erlangensis idemque omnium rerum Latine appellandarum studiossimus plurimi nimirum facio?
ab hoc adiectivum proficiscendum esse mea quidem fert opinio:

arquatus, a, um

http://www.zeno.org/Georges-1913/A/arcuatus?hl=arc*at*

possuntne dici "Arquátae"? ubi quod nomen omissum audiendum sit, dubito. "arcuatae sc. tabernae"?
an "basilica" - est enim mercatus quidam - "arquata"?

valete hisque nugis, qua estis benignitate, veniam date!

[ille ego qui]

an - nihil autem facilius! - ARCUS, UUM?

suffragamini, sodales!

[ille ego qui]

ceterum gratias tibi, mi Conse, plurimas ago pro consiliis prudentissimis!

[consus]

congeries tabernarum

Salve, Christiane!
Pro sancte Mercuri! Ante oculos mihi obversatur Forum Traianum...
Vitruvius (5, 11, 2) his utitur verbis: concamerata sudatio. Qua de causa nihil puto obstare quin dicamus: forum / emporium concameratum.
Nescio an tibi probentur etiam haec: atrium mercatorium (cf. Cic. agr. 1, 7: atria auctionaria), curia mercatoria.

[ille ego qui]

gratias tibi ago, Conse, pro verbo aptissimo ad "einkaufspassage" exprimendum.
quod autem ad proprium illud nomen "die Arkaden" pertinet, nihil obstare censeo, quin aut reddam "emporium arcuatum" aut "arcuatas"

cf.:
http://ducange.enc.sorbonne.fr/ARCATA1
http://www.zeno.org/Georges-1913/A/arcuatus?hl=arcuat*

si cui aliter visum erit, velim reclamet!

[consus]

...pro verbo aptissimo ad "einkaufspassage" exprimendum....

Quod ad me pertinet, erras, amice; Tiberis enim noster hoc vocabulum aptissime in Latinum convertit.

[ille ego qui]

nonne tu iampridem verbum emporii hic proposuisti?;)

[consus]

nonne tu iampridem verbum emporii hic proposuisti?

Ita quidem est, sed non "transitorium".

[ille ego qui]

nimis strenuus in scribendo halteresque levando inflammationem, si verbum ex verbo exprimo, nervorum vaginae contraxi, dico:

http://de.wikipedia.org/wiki/Sehnensche ... C3%BCndung

"Sehnenscheidenentzündung"
----------------------------------------

cedo: quomodo istam rem Latinius exprimam? an placet quod proposui?
iterum maxime Medicus noster auxilio vocandus mihi videtur.
bene valete.

[Medicus domesticus]

Salve ille,
Nostra lingua (lingua, qua medici utuntur) dicerem:
inflammationem vaginarum tendinum [tendo, tendinis (Sehne)] contraxi.

[ille ego qui]

gratias summas tibi ago, Medice
istam, quam commendas, vocem me in hanc materiam inquirenti mihi iam occurrisse puto. sed verbum tendinis, quamvis Latinum videretur, in Georgesiano saltem non repperi
Vicipaedia teste plenius nomen videtur Vagina synovialis tendinis. quid autem vult "synovialis"?

vale

[Medicus domesticus]

tendo, tendinis est verbum linguae anatomicae, qua medici sive anatomici utuntur. Nervum Georgesius proponit, sed illum verbum nostrā linguā medicorum ambiguum est.
synovialis -> vide hoc:
http://flexikon.doccheck.com/de/Sehnenscheide