DE VERBIS NOVANDIS

[ille ego qui]

potestne vox nanciscendi apta esse, cum ipse conatus sis id efficere? nonne id, quod dicitur nancisci, 'per definitionem' fit fortuito? haec potissimum erat causa, cur de illo verbo dubitaverim. an nancisci etiam eum possumus, quem quaesivimus et quem nancisci voluimus studuimusque?

valete

[SursumDeorsum]

Placetne etiam verbum perveniendi?

Ad aliquem pervenire? (Germanice: zu jemandem durchkommen?)

[ille ego qui]

haud abs re videtur (ut dicunt humanistae), gratias tibi ago

[Zythophilus]

Etiam Naso haud dissimiliter dicit: Verba refers aures non peruenientia nostras! (Met. III 462)

[marcus03]

Verba refers aures non peruenientia nostras

nostras aures: ein Richtungsakkusativ ? Üblicherweise steht doch eine Präposition, vor allem wenn kein konkreter Ortsname vorliegt. Oder gibt es eine andere Erklärung dafür ?

[Zythophilus]

Ecce http://www.zeno.org/Georges-1913/A/pervenio?hl=pervenio
Interdum accusatiuus solus satis est.

[ThomasVulpius]

hem ... "aus dem stegreif" Latine esse potest subito (aliave).
sed iam alia habeo quaerenda:


difficilius autem mihi videtur "jemanden erreichen". quidam vestrum olim mihi suasit, ut dicerem "efficere, ut aliquis respondeat". modo quidam, quicum collocutus sum, dixit se me nanctum non esse. mihi ipsi aliquomodo arridet vox aliquem (telephonice) consequendi. quid vobis videatur - ut Vulpiane* loquar -, sodales, resciscere velim?

bene valete

____
* http://www.zeno.org/Georges-1910/A/cice ... iceroniane

Propono: aliquem telephonice offendere.
Cf. CIC. nat. deor. 1,15 offendi ("traf an") eum sedentem in exedra et cum C. Velleio senatore disputantem.

[ille ego qui]

offendere idem fere valet atque nancisci - utrumque enim fit necopinato neque dedita opera. incertus sum, an (= ob nicht) tamen fortasse aptum sit ...

[ThomasVulpius]

Ego autem si omnia, quae dicenda sunt, libere dixero ... (Cic. Pro Sex. Rosc)
... sine retractatione libere dicere auderent ... (Cic.Tusc.5)
erumpet enim aliquando ex me vera vox et dicam sine cunctatione quod sentio (Cic. in Vat)

CIC. S. Rosc. 3; CIC. Vatin. 15

[ille ego qui]

"Zug"
--------

salvete,
plerumque dicitur "tramen", sed estne hoc verbum idoneum?
cf.: http://www.zeno.org/Georges-1913/A/tramen?hl=tramen

valete

[RM]

Quid aliud tibi in mentem venit, num "agmen"?
"Tramen" ea de causa dicitur, quod in multis linguis neolatinis ad id exprimendum adhibebatur.

RM

[ThomasVulpius]

Currus *orbitalis = Zug.
orbita = Wagengleise

[ille ego qui]

estne "tramen" Latinitatis mediaevalis? miror non esse "trahimen" ...
valete.

[Zythophilus]

Verbum "tramen" temporibus antiquis saltem exstitit, quamquam Romani eo saepe usi non sunt, cum "trahimen" inueniri non possit. Tamen interdum uerga sicut "train" et "tram" a trahimine tracta esse lego. Quis plus scit?

[ille ego qui]

quo intellectu verbum "traminis" antiquitus adhibebatur, Zythophile? equidem nihil inveni nisi verbum quoddam ex Graeco sumptum (v. supra).