DE VERBIS NOVANDIS

[consus]

Fetisch

Addendum.
Lexicon recentis Latinitatis: res immodice probata / res nimium culta.
Vox Latina: deus facticius / idolum / fetisum .
(Equidem vocem fetisi reiciendam censeo esse.)

[consus]

* probatisne "Latinizare" (latinisieren) et "argumentum" (Thread)? an meliores sunt facultates ista exprimendi?

Cicero in tertio de oratore (§ 154): Novantur autem verba, quae ab eo, qui dicit, ipso gignuntur ac fiunt, vel coniungendis verbis eqs.
Quid ergo mirum, amice, si huic themati nomen imponendum esse censeo “De novandis verbis”?

[ille ego qui]

Benignissime, Conse. Equidem tamen potius de fetisio quodam Venerio loquebar, sicut Er hat einen Fetisch aut Sie ist eine Fetischistin aut Leder kann ein Fetisch sein. Fortasse aliquid huius generis ex eis ipsis, quae tu attulisti, derivare poterit ...?

Vox Latina: deus facticius / idolum / fetisum .
(Equidem vocem fetisi reiciendam censeo esse.)

Qua ratione in illa Voce Latina vocabula quaeris?
vale.

[Zythophilus]

Verbum modernum a quodam uerbo Latino (facticius) ductum esse constat. Quaedam igitur forma, qua origo uerbi neglegitur, mihi minus placet. Non inueniemus unum idemque uerbum, quo omnia, quae eo uerbo moderno dici possint, complectemur, cum saeculo XX. de religione ad mentem humanam uel potius ad morbos mentis humanae translatum sit.

[consus]

O sancta Mater Cupidinum...
Nonne proponi licet: facticium venerium [facticium: substant.] vel stimulus venerius?

[consus]

Addendum.
Fetischist/in > vir / femina, cuius libido nisi re quadam facticia adhibita instigari non potest.

[Zythophilus]

Fortasse res facticia qua Venus incitatur ...
Video te, optime Conse, interea aliquid simile proposuisse.

[consus]

Nonne, mi Zythophile, in eadem sumus saepe sententia?

[Zythophilus]

Res miras dicunt Venerem stimulare quibusdam,

paene ut non fieri nil in amore putes.

Huic leui corio crescit fulgente libido,

is uult calceolos, ille flagella cupit.

Vtrum sint medici, cum sit mens aegra, uocandi,

quaerimus, an faciles praestat adire lupas?

[consus]

Fascia sunt strophium multis coriumque coruscum

Pungentes stimuli blandus ut adsit amor.

Terrigenae miseri, verum nescitis amorem:

Offendit cunctos hic simulatus amor.

[Zythophilus]

Caedere uult alius; caedi uult uerbere duro

exoptatque alius tradere terga flagro.

Quaerimus hinc omnes – ignari simus – amorem

ipseque more suo quisque beatus erit.

[consus]

Libidinis, quot mortales, tot sunt modi.

[Francogallus]

salvete sodales,
quomodo Latinizem* "mp3-player" ?

Salvete.

Dolendum est quod quotiescumque mutatur modus sonitum incidendi, mutari debet nomen apparatus qui hoc munere fungitur.
(Plattenspieler/Tonbandgerät/Kassettenspieler/CD Player/MP3 Player/Quid aliud)
Ut qui lingua latina aeterna sit, nomen excogitari debet quod immutabiliter apparatum ad sonitum incisum canendum significet quodque nihil dicat de artificio technico quo sonitus primum incisum est.

Ad hunc usum ergo verba "magnetophonia", "discophonia" nonjam conveniunt.

Ineunte saeculo vicesimo autem creatus est apparatus quidam qui nomine satis simplici necnon claro vocatus est : "Grammophonium".

Hoc nomen mihi utile esse videtur, quia nihil dicit in etymologia sua de artificio quo sonitus incidendus est. Significatio vero facile intellegitur.

Ergo apparatus quem nuncupatis "MP3 player" quidni simpliciter "Grammophonium (gestabile)" nuncuparemus?

[ille ego qui]

nil fallor, non grammaphonium, sed grammophonum dicitur.
supra autem "grammophonulum" iam praeposui

[consus]

Nonne etiam electrophonulum?