De lexico Latino-Francogallico

[consus]

Consus Francogallo s. d. p.
Equidem gaudeo, quod vir lingua Francogallica a primo natali die usus fora frequentas nostra. Quaerendum nunc mihi videtur esse, quod lexicon interretiale Latino-Francogallicum tibi probetur maxime. Spero quaerenti mihi te non esse defuturum.
Cura, ut valeas.

[Francogallus]

Fredericus Francogallus Conso s. d. p.
His duobus lexicis saepe utor :
Primum : http://www.prima-elementa.fr/Dico.htm, quod "leve" et commodum est,
Alterum : http://www.prima-elementa.fr/Gaffiot/Gaffiot-dico.html, quod est versio numerica ("digital", id est versio numericis photographematibus praedita) glossarii soliti quo omnes discipuli francogalli necnon magistri utuntur si linguam latinam discunt, a Felice Gaffiot scripto.

Quibus glossariis latini-germanicis utimini vos?

Vale pancratice.

[consus]

Maximas tibi ago gratias, amice, pro nuntio tuo utlilissimo. Ecce inscriptiones electronicae, quibus usus lexica nostra poteris invenire:
1) Lat.-Theod.: http://www.zeno.org/Georges-1913
2) Theod. - Lat.: http://www.zeno.org/Georges-1910
Feliciter!

[consus]

Consus Frederico Francogallo s. d. p.
Placet mihi valde verborum ille thesaurus, quem composuit Gaffiot, idque eo magis quod deest in seminarii bibliotheca. Nihil aliud habemus nisi opus hoc: Nouveau Dictionnaire Latin-Français, rédigé … par E. Benoit et H. Goelzer, Paris s. a. [1938?]. Sed haec hactenus. Ecce altera quaestio (ignosce quaeso): Quo uteris lexico interretiali Francogallico-Latino?
Iubeo te bene valere. Feria quarta Cinerum.