lingua latina locuta

[Teutonius]

Scitne aliquis qua de causa locutores linguae latinae (in interrete) omnes ita gerunt se ipsos ut interpretes linguae gesticulatoriae surdorum!?

[Teutonius]

Quare in termino nonnullium adverbium (sanè, verò) signum grave ponitur?
Quomodo istud pronuntiatur: longe, breve aut grave (scilicet depressa voce)?

[Teutonius]

Quare dici potest "gratias agere pro re" non autem "pro aeternitate conditum"?

[Tiberis]

quod attinet ad significationem praepositionis pro , vide , quaeso, quid Menge (§210) scripserit !
quod autem ad elocutionem verborum sane, vero eqs , memento linguam Latinam ullis carere accentibus signatis !

[Teutonius]

Itane vero? Lingua latina accentibus caret? Quidnam legis?

http://books.google.de/books?id=FJooAAA ... &q&f=false

[Tiberis]

oro te discernas, quid linguae Latinae veluti proprium sit quidque notarum editores saeculis posteris addiderint. si ita facies, facile intelleges antiquos nullis eiusmodi notis esse usos.

[Teutonius]

Nihilominus haec signa in multis operis addita sunt, ergo habent signifigationem et ad linguam latinam quoque pertinent! Aliter non adessent...

[Laptop]

oro te discernas, quid linguae Latinae veluti proprium sit quidque notarum editores saeculis posteris addiderint. si ita facies, facile intelleges antiquos nullis eiusmodi notis esse usos.

Argumentum tuum non ist ullae rationis, quia et lingua Graeca notis sub- ac superscriptis pridem affecta non erat, quibus hodie autem utamur.

[Tiberis]

nonne Graeci antiqui iam notis (veluti accentibus), quae ad elocutionem pertinent, usi sunt ?
quod tamen ad nostram quaestionem nihil refert. neque enim in inscriptionibus Latinis neque in codicibus tales notae inveniuntur. quae si linguae Latinae propriae essent, non dubium est , quin nostrae aetatis editores in litteris restituendis iis uterentur.

[Teutonius]

Proprie modo rogavi quare signum grave pone(re)tur et quomodo pronunti(ar)etur...
An "revera" latine sint, non curo!

[Laptop]

Proprie modo rogavi quare signum grave pone(re)tur et quomodo pronunti(ar)etur...
An "revera" latine sint, non curo!

Accentus gravis ponebatur saeculo decimo sexto usque ad decimum octavum in syllaba ultima adverbiorum conjunctionumque, ut melius discernerentur ab praepositionibus, nominibus atque pronominibus, exempli gratia:
– “maximè” (adv.) ab “maxime” (voc.)
– “cùm” (conj.) ab “cum” (praep.)
– “verò” (conj.) ab “vero” (dat. / abl. sing.)
– “quòd” (conj.) ab “quod” (pron.)
Ad pronunciationem non attinet.

Nota, quaeso, ut dicitur
– “accentus acutus” seu “ accentûs acuti signum” seu “acutus”
– “accentus gravis” seu “ accentûs gravis signum” seu “gravis”, etiam si ad pronunciationem (accentionem vocis) non attineat.
– “accentus circumflexus” seu “accentûs circumflexi signum” seu “circumflexus”
at
– “signum breve” seu “breve” et “macron”

[Quasus]

Scitne aliquis qua de causa locutores linguae latinae (in interrete) omnes ita gerunt se ipsos ut interpretes linguae gesticulatoriae surdorum!?

Quae uocibus enuntiare nesciunt, ea manibus exprimunt, itaque se eloquentiores praebent. Vel forsitan secundum ueterum praecepta efficere conentur, ut decens corporis motus orationem comitetur.

[Quasus]

Quare in termino nonnullium adverbium (sanè, verò) signum grave ponitur?
Quomodo istud pronuntiatur: longe, breve aut grave (scilicet depressa voce)?

Praeteritis saeculis homines parum pronuntiationem curabant, itaque nos non decet ab iis doceri (de pronuntiatione, scilicet). Vt Laptop scripsit, hae accentuum signa tantum ad uerba distinguenda spectabant; istorum tamen uerborum uocales sunt prolatae, nempe sānē, vērō.

[Quasus]

Ceterum, quomodo uerbum macron Latine declinatur?

[consus]

Macron non est vocabulum Latinum, sed Graecum = μακρόv, quod hoc modo declinandum esse censeo:
Ut Graec. μέτρον = Lat. metrum, ita μακρόv = macrum; sequitur, ut sit sing. macri, macro, macrum, macro et plur. macra, macrorum, macris, macra, macris.

------------------------
Ceterum illud lingua latina locuta, quod ad partic. locuta attinet, emendandum esse censeo...