Bavarus

[ille ego qui]

dicite mihi, amici, Bavaro, utra huius nominis syllaba acuatur: Bávarus an Bavárus? estne a posterior/altera/secunda...* longa an brevis? sit sane vox non vere antiquua, quomodo tamen tale quid aut cognoscitur aut constituitur?


valete
ille Bavarus



* interrogatio in interrogatione: quod verbum ad hunc locum vobis aptum videtur?

[Medicus domesticus]

Salve ille,
In libro quodam, qui appellatur "Stowasser", haec legis:
Bavārus ....

Vale.

[consus]

Salve, Ille!
Nonne uti licet analogia?
Ut Bǎtāvus (cf. Mart. 8, 33, 20) et Bǎtǎvus (Lucan. 1, 430),
sic etiam Bǎvāvus et Bǎvǎvus.
Nescio an exstent versus medio quod vocatur aevo de Bavaris compositi. Videant mediaevistae!
Tu quid sentis?

[ille ego qui]

gratias vobis ago! =)

[ille ego qui]

ceterum quid sentitis de "interrogatione in interrogatione"?

[consus]

...de "interrogatione in interrogatione"

Nonne aptius interrogatio interrogatione inclusa?

[ille ego qui]

certe! in voce fingenda iocatus sum - Germanismo inducto sed quid de re ipsa sentitis (sc. quo verbo supra "die zweite" exprimendum fuerit)?

[consus]

Bávarus an Bavárus? estne a posterior/altera/secunda...* longa an brevis?

Equidem, optime Ille, quo res certius intellegatur, scribi puto oportere: ...estne syllaba paenultima (-va-) eqs.

[ille ego qui]

bene mones, tibi assentior. sed ...hem... quid - ut exemplo alio utamur - in syllaba "ni" huius verbi "omnipotentes"?

[consus]

... "omnipotentes"...

Bene, amice: Quaeritur utrum syllaba quarta ab ultima eqs.
Feliciter.

[ille ego qui]

nunc beatus aequoque sum animo

[consus]

Nunc quis me beatior?

[ille ego qui]

salvete,

Consi de pedilusoribus Bavaris trimetris iambicis lepidissimis lectis ...

viewtopic.php?f=18&t=40578#p295163)

Tandem superbos Bavaros tauri rubri
Suis acutis perculere cornibus.

... hoc de filo ecoratus sum. ubi putabam Consum olim suasisse acuendos esse Baváros, non Báravos (quam tamen rationem in versibus recentissimis adhibet). at nunc video scriptum esse:

Nonne uti licet analogia?
Ut Bǎtāvus (cf. Mart. 8, 33, 20) et Bǎtǎvus (Lucan. 1, 430),
sic etiam Bǎvāvus et Bǎvǎvus.

consilione an digiti lapsu?

valete

[durgicola]

vice versa:

Tandem superbos Bavaros ecce! perculit
Suis acutis taurus ille cornibus.

[consus]

Tāndēm sŭpērbōs Bāvărōs tāurī rŭbrī

Quem trimetrum iambicum, optimi amici, cum prima quasi luce componerem, nihil aliud illo loco scribere poteram nisi Bāvărōs. Ut vero clementer mecum agatis, oro vos perpendatis haec argumenta:
1. Ipsum vocabulum Bavari ex lingua Quiritum non est ortum. Quid ergo mirum si syllabarum naturam prorsus ignoramus?
2. -vă- syllabam paenultimam brevem esse eo censebam quod et Hispani et Itali bávaro dicunt.
3. Ba- syllabam tertiam ab ultima sive antepaenultimam quadam metri necessitate coacto mihi licebat putare longam: Nihil aliud est nisi poetae licentia.