De Silvio Berlusconio

[consus]

Esse operae pretium videtur, amici, legere quid ab Umberto Eco de illo rei publicae Italicae rectore scriptum sit*:
Esse virum etiamnunc popularem gratiaque multum valere apud permultos cives; quibus enim placere non solum temerarios petere quam plurimarum virginum feminarumque concubitus, sed etiam solutionem fugere vectigalium tributorumque. A Berlusconio nihil aliud perfici nisi eas res, de quibus permulti somniarent Itali. Quorum privatam licentiam immoderatamque libertatem saepissime cum contemptu congruere rei publicae.

____________________
* Cf. Rheinische Post, 10.02.2011, p. A 6.

[Zythophilus]

Populos a talibus gubernatoribus regi, quales mereantur, saepius legitur. Nonne uerum est?

[consus]

Plane qualis dominus talis et servus > Plane qualis servus talis et dominus.

[Tiberis]

Populos a talibus gubernatoribus regi, quales mereantur, saepius legitur.

quod an sit verum, dubito. nam unum populum persaepe a variis et inter se diversis gubernatoribus regi constat. memini ipsam Italiam ante nonnullos annos a Romano Prodi gubernatam esse, de quo non dubitatur, quin natura ac moribus multum a Silvio Berlusconi se distulerit. sed nemo fere est, qui credat populum Italicum ex illo tempore ita esse mutatum, ut , cum antea regimen Romani Prodi "meruerit", paucis annis post dignus sit, qui intemperantiam Berlusconii perferat.

[Brakbekl]

me Conse,

Quomodo bunga-bunga in li-li-linguam latinam transferendam esse, quaeso?