salvete!

[Lalage]

salvete !

lala sum. iam diu in hoc foro sum et interdum res a vobis scriptas legi. sed audaciam scribere non habebam (in locutorium autem saepe sum).

linguam latinam discere placet. qua de causa in animo habeo illam pulchram linguam loqui discere.

de persona mea: discipula sum musicamque amat. duo instrumenta musica (clavile et cithara) cano, libenter canto et carmina compono.

gaudeo in hoc foro multas res discere

lala

[consus]

... libenter canto et carmina compono....

Salve, Lala sive Lalage*!
Nonne etiam in oppido Düsseldorf mox prodibis in scaenam?

_____________________________________
* Lalage = puella fritinniens, amica Horatii poetae.

[Tiberis]

salve, Lala!

te salvere iubeo in foro nostro. gaudeo, quod artem musicam colis . quae mihi quoque gratissima est. me quoque summam voluptatem ex clavicymbalo canendo capere scito, qua in arte me cottidie exerceo. vale.

[Lalage]

salvete !

consus: fortasse.. sed hactenus "nordrhein-westfalen" (quomodo latine "nordrhein-westfalen" dicitur?) non visitavi.

tiberis:clavicymbalo extraordinarium musicum instrumentum est.. tamen pulchre sonat.


lala(ge) (fortasse nomen meum mutabo)

[consus]

...sed hactenus "nordrhein-westfalen" (quomodo latine "nordrhein-westfalen" dicitur?) non visitavi...

...quod vehementer doleo .
Nordrhein-Westfalen] (nomen sane barbarum!) Rhenania septemtrionalis-Guestfalia.

lala(ge) (fortasse nomen meum mutabo)

[ille ego qui]

Dusseldorpium = Düsseldorf
ut docet Carolus Egger in "lexico nominum locorum", quod foras dedit Romae anno 1977.
valete.

[consus]

Dusseldorpium = Düsseldorf...

Nonne nimia est arte factum, amice?

[ille ego qui]

licet ita sit, sed nomen usu videtur iam perceptum! Orbis Latinus (quem hic invenies: http://www.columbia.edu/acis/ets/Graesse/orblatd.html) habet:

Dusseldorpium, Dussellodorvum, Dusseldorpum

scias autem illum Orbem Latinum nihil fingere, verum omnia ex usu mediaevali ac (paulo) recentiore haurire. vale.

[ille ego qui]

"dorpia" addenda (delectationis causa):

Ensdorfium, Ensdorfense monast., Ensdorf, D., Bayern (Oberpfalz).
Gebhardi vila, Gäbersdorf , D., Preußen (Schlesien).
Isingtharpa, Isendorf, D., Preußen (Westfalen).
Liupoldi, Leopoldsdorf, D., Niederösterr.
Madelhardi, Mallersdorf, Mfl. , Bayern (Niederb.). [?]
Marchtorfensis villa, Markdorf, St., Baden (Konstanz).
Matthaei villa, Matzdorf (Matejovice). D., Österr. Schlesien.
Medoslanium, Wolkersdorf, D., Niederösterr. [?]
Meldorpium, Meldorf, St., Preußen (Schleswig-Holstein).
--- villa, 1. Nauendorf, D., Preußen (Hannover). ---2. Neudorf (viele Orte dieses Namens in Deutschland u. Österr.). ---3. Niendorf, D., Preußen (Schleswig-Holstein). --- 4. Neuville, Neufville od. Villeneuve (viele Orte in Frankr.), z. B. Archiepiscopi, Villeneuve l'archevêque, St., (Yonne) --- regis, V. le Roi od. sur Yonne (Yonne).
Oberndorfium, Oberndorf, zahlr. Oschf. in Süd- u. Westdeutschland.
Palaeocome, s. Altdorfium.
Petri villa, Petersdorf, D., Preußen (Schlesien).
Scalchenhememarca, eh. Osch. b. Schalkendorf, D., Elsaß (Zabern). [?]
Schledorfensis vicus, Schlehdorf, D., Bayern (Oberb.).
Sidilisdorfa, Sindeldorf, D., Württemberg (Jagstkr.).
Spelthorpa, Speldorf, D., Preußen (Rheinprov.).
Wendecula, Wendendorf, D., Rußland (Livland). [?]
Withostovici, Oberjohnsdorf, D., Preußen (Schlesien).

et alia

[consus]

Orbis iste Latinus, optime amice, iam dudum mihi notus est; neque tamen sine exceptione eo soleo uti.

[ille ego qui]

in nominibus propriis equidem usum - siquis est - sequi consuevi.
quo pacto tu nomina tractare soles?

[consus]

Equidem aut quantum fieri potest nominum Theodiscorum partes Latine reddo (v.g. Weißenburg > Alba Arx, Monschau > Mons Gaudii) aut eis utor immutatis.

[Tiberis]

equidem in nominibus propriis latinizandis parcissimum esse oportere censeo. quamquam non est causa, cur nominibus Romanis (!) non utamur, si quae exstant (ut Vindobona pro Wien), tamen quodlibet oppidum , ubicumque terrarum situm est, nomine Latino reddere res sane ridicula esset. quonam modo , ut exemplum afferam, nomen urbis Irkutsk latinizetur ? an - horribile dictu - Irkutskium ?? , ne dicam de ingenti multitudine oppidorum Sericorum, quae a tali conatu plane abhorrent. quid ergo? puto ad exemplum linguarum hodiernarum nullas urbes esse latinizandas nisi notissimas aut amplissimas, si modo aptae sunt ad latinizandum.

[ille ego qui]

Novum Eborâcum

[consus]

Maxima ex parte consentio cum Tiberi; neque tamen infitior me ab illa ratione a me proposita nonnumquam discessisse...