de Latinitate equina sive equestri ;)

[Friederun]

Gratias ago pro gratulatione.
Dicisne de pentametro scribendo?

[Zythophilus]

Pentametrum lepidum, tibimet suademus, ut addas,

ut comes hexametro sit sociusque tuo.

[Friederun]

Malo primum exercere hexametros; quamquam magna differentia non est:

"Pentametrum scribam.."

[Zythophilus]

En tibi pangenti lepidos fortasse Cupido

hexametros aderit surripietque pedem.

[Friederun]

Hexametrum meliorem feci (si modo Zythophilo placet); nulla inest elisio et nullum habet spondeum:

Si modo quaesiero, mihi dicet Alesius ipse.

[Zythophilus]

Optime!

[Friederun]

Zythophilo suadente pentametro addito confectum est primum distichum, nescio quam bonum

Si modo quaesiero, mihi dicet Alesius ipse.
Si non quaesiero, dicere non poterit.

[SursumDeorsum]

Plaudit Bilbilis illa Martialis
Et laudes tibi fert, poeta, Sulmo!

[Friederun]

Plaudit Bilbilis illa Martialis
Et laudes tibi fert, poeta, Sulmo!

Gratias! Si me alloqueris (paulum dubito), scito me non esse quidem (unum distichum non facit poetam), sed sperare me futuram Poetriam, feminini generis.

[SursumDeorsum]

Versibus his addes, praeclara poetria, versus,

magnaque Sulpiciae mox tibi gloria erit.

[Friederun]

Vellem scribere posse ut tu; conabor quidem, non pro virili parte, sed pro feminina

[Friederun]

Ecce novum distichum meum
(Confiteor: mihi correxit homo metricae peritus, quae peccaveram):

Nunc inter Danos certant certamine magno.
Vobis cum barba femina nonne placet?

[Zythophilus]

Optime!

[Zythophilus]

Miror, cur taceas neque ulla, Alesi,
edas uerba metrisque Musa parcat.
Quae sit causa tibi, refer, tacendi!
Morbone afficeris febrique saeua
an per uim periit salus equinam?