de Latinitate equina sive equestri ;)

[Friederun]

Estne Gerd Allesch, magister meus in universitate?

[Zythophilus]

Versibus innocuis laudatur Alesius ipse

an finxi lepido nomen equosque ioco?

Ludens Musa canit, quae nunc sunt quaeque fuerunt,

sed canere interdum carmine ficta libet.

[Friederun]

An finxisti? Non intellego. Quid finxisti? Equos?

[ille ego qui]

poetae non est carmina sua interpretari aut explicare

[Friederun]

Dicunt etiam poetas ipsos non intellegere, quid faciant.

[Zythophilus]

Factis ficta licet lepido immiscere poetae,

ut placeat, lector, fabula grata tibi.

Terga fouet mea sol, haec dum mihi carmina fiunt,

et sonat unda maris. Verane Musa refert?

[Friederun]

quaecumque versibus lepidissimis complexus es, memineram - non tamen id ad quod sedulo alludere videris

@Tu quoque videris non intellegere An potes respondere ad interrogationem meam?

[Zythophilus]

Sol in carminibus lucebit uate uolente,

cum pluuiae ueniant et madefiat humus.

[Friederun]

Dormisne, Christiane? Surge! Responde!

@ille ego qui
Non potes an non sum digna?

[Zythophilus]

Cur tacet ille loquax, quem scimus dicere multa?

An pueri caesum est aede ruente caput?

[Friederun]

Zythophilus non vult, ille alter non posse videtur, ergo ignoro, ignorabo...

[Zythophilus]

Sponte tua hexametrum scripsisti, callida amica?

[Friederun]

Ubi est hexameter?

[Zythophilus]

Zythophilus non vult, alter non posse videtur

Una syllaba dempta hexameter est.

[Friederun]

Zythophilus non vult, alter non posse videtur

Una syllaba dempta hexameter est.