Abhinc ... annos

[marcus03]

Richardus Simon exegeticus, theologus,philosophus historicusque fidei Catholicae Francogallicus
obit LXXIII annos natus.
Natus est a.d.III Id. Mai. anno MDCXXXVIII in eodem oppido in Normannia sito, in quo in lucem editus erat.
Qui optime meruit de sacra scriptura historice-critice inquirenda, cuius rationis auctor non
immerito putatur.

https://de.wikipedia.org/wiki/Richard_Simon_(Theologe)

[ille ego qui]

Richardus Simon exegeticus, theologus,philosophus historicusque fidei Catholicae Francogallicus

Ergo non est natione Francogallus!

[marcus03]

Marcus Antonius Muretus humanista Francogallus nascitur Mureti.
Decessit LIX annos natus Romae.

https://de.wikipedia.org/wiki/Marcus_Antonius_Muretus

[marcus03]

Samuel Barclay Beckett scriptor Hibernus nascitur Dublini.
Decessit ante XXXIII fere annos Lutetiae a.d. XI Kal. Ian. anno MCMLXXXIX.
Quis est, qui eius spectaculum inclutissimum, quod MANERE GODOTUM inscribitur, ignoret?
Quod actum est primum Non. Ian. anno MCMLIII Lutetiae, a.d. VI Id. Sept.eodem anno Berolini.

[marcus03]

Simona Lucia Ernestina Maria Bertrand de Beauvoir scriptrix, philosopha feminarumque advocata decessit LXXVIII annos nata Lutetiae, qua in urbe et nata erat a.d. V Id. Ian. anno MCMVIII.
Quam fuisse amata philosophi Ioannnis Pauli Sartre constat, qui decessit ante XLII annos eodem mense
uno die post. O qui casus!
Illa libro, qui inscribitur SEXUS ALTER , inclutissima factast. Quod opus prolatum est anno MCMIL.


https://de.wikipedia.org/wiki/Das_andere_Geschlecht

[marcus03]

Leonardo da Vinci pictor,sculptor, architectus, anatomus, mechanicus, artifex ingeniosissimus philosophusque in lucem editur Lionardo di ser Piero da Vinci in regione Toscanae.
Obiit LXVII annos natus a.d. VI Non. Mai. anno MDXIX media in Francogallia.
Qui unus ex omnium temporum doctoribus universalibus inclutissimis summo putatur iure.

[mystica]

.

[Zythophilus]

Poneris in taetro, Domine o uenerande, sepulcro

et flet amicorum grex queriturque necem.

[marcus03]

Raphaelus Kuehner philologus grammaticusque inclutus obit Hannoverae aetate LXXVI annorum.
In lucem editur erat a.d. XI Kal. Apr. anno MDCCCII Gothae.
Edidit Arpinatis et Xenophontis opera et libros translatos.

https://de.wikipedia.org/wiki/Raphael_K%C3%BChner

[Zythophilus]

Hic, Benedicte, dies genuit te, qua fluit Aenus;

qui posthac populi papa fidelis eris.

[marcus03]

Christophorus Columbus a rege reginaque Hispaniae permittitur, ut viam reperiat novam ad Indiam petendam. A quibus ei pecunia quoque necessaria tribuitur, ut hoc perficire possit mandatum.

[marcus03]

Albertus Einstein physicus Theodiscus, cui et civitas Helvetica et Americana attributa est,
obit Principitoniae in civitate foederali, quae New Jersey appellatur, sitae.
Natus est Ulmae a.d. prid. Id. Mart. annoa MDCCCLXXIX.
Quis est, qui eum physicam novo posuisse in fundamento et nova mundi inquirendi
explicandique ratione instruxisse neget?

[Tiberis]

vi terrae quatitur Franciscopolis vehementer:

Interiisse ferunt plus tria milia hominum.

[marcus03]

Gaius Calpurnius Piso rei publicae peritus,consul,orator litterarumque fautor sibi mortem consciscit coniuratione in Neronem imperatorem patefacta.
Ubi quoque anno in lucem editus sit, memoriae traditum esse non videtur.

Paulo post Seneca, Lucanus Petroniusque idem facient imperatoris iussu.

[marcus03]

Gaius Calpurnius Piso rei publicae peritus,consul,orator litterarumque fautor sibi mortem consciscit coniuratione in Neronem imperatorem patefacta.
Ubi quoque anno in lucem editus sit, memoriae traditum esse non videtur.

Paulo post Seneca, Lucanus Petroniusque idem facient imperatoris iussu.