Abhinc ... annos

[marcus03]

Alexander Issajewitsch Solschenizyn scriptor et suae patriae imperii
et omnis systematis politici vituperator nascitur in Caucaso boreali.
Defunctus est a.d. III Non. Aug. anno MMVIII Moscaviae.
Litterarum praemium Nobelianum accepit anno MMLXX.
Innotuit opere, quod inscribitur DER ARCHIPEL GULAG et anno MCMLXXIII prolatum est.
In quo istius Iosephi Stalin scelera et necem ingentis hominum numeri accurate describit.

Homo tamdiu beatus es, quamdiu promptissimus est ad studendum, ut sit beatus.

https://www.google.de/search?q=solschen ... &sa=X&ved=

[Tiberis]

operae est pretium legere, quae verba Alexander Solshenizyn illi libro, qui est de archipelago GuLag, praeposuerit : lineam, qua bonum a malo seiungeretur, cor uniuscuiusque dividere (...); etiam in corde a malo occupato aliquid boni esse reliquum, etiam in benignissimo corde latebras exstare mali, quae non possent superari.
quod dictum vehementer mihi probatur.

[marcus03]

Gustavus Flaubert scriptor Francogallus, qui imprimis fabulas composuit romanenses,
in lucem editur in Normannia.
Animam efflavit a.d. VIII Id. Mai. anno MDCCCLXXX eadem in regione.
Quis est, qui eius opus, quod MADAME BOVARY inscribitur, non noverit, quod
in pelliculas complures conversum est, quarum ultima anno MMXIV prolata est
Sophia Barthes Franco-Americana scaenarum dispositrice et Mia Wasikowska actrice Australi
primas agente partes.

Duo labra pulchra maioris sunt preti eloquentia mundi tota.

https://www.google.de/search?q=flaubert ... &sa=X&ved=

[marcus03]

Christianus Iohannis Henricus Heine diurnarius, poeta scriptorque Theodiscus gravissimus
in lucem editur Dusseldorpii.
Decessit a.d. XIII Kal. Mart. anno MDCCCLVI Lutetiae.
Qui aetatem superavit Romanticam, cuius erat unus ex ultimis illius aetatis scriptoribus,
et sermonem vitae cottidianae reddidit aptum ad lyricam.
Nullius fere alterius poetae Theodisci opera in tot alias linguas translata et musicis modis
aptata sunt.

Nullus est, qui tam sit insanus, ut ullum non reperiat etiam insaniorem, qui se non intellegat.

https://www.google.de/search?q=heine+he ... &sa=X&ved=

[marcus03]

Leonardus Boff theologus catholicus Brasilianus nascitur Concordiae.
Qui erat propugnator libertatis theologiae et iurium humanorum defensor pauperum.
A sua ecclesia prohibitus, ne coram publico orationes haberet unum annum nec scripta ederet alia,
sacerdos esse desiit ante XXX annos et suum reliquit ordinem.
Spiritum Sanctum et extra ecclesiam flare quis negaverit?

https://www.google.de/search?q=boff+leo ... &sa=X&ved=

https://de.wikipedia.org/wiki/Leonardo_ ... f%E2%80%9C

[marcus03]

Nero Claudius Caesar Augustus Germanicus imperator Romanus nascitur Antii.
Animam morte voluntaria efflavit a.d. V vel III Id. Iun. anno DCCCXXI a.u.c. apud Romam fugiens.
Imperavit ab anno LIV ad annum LXVIII A.D.
Erat imperator quintus et ultimus e gente Iulia-Claudia oriundus.
Quis est, qui illius Petri Ustinov non meminerit, qui Neronis partibus egit in pellicula,
quae inscribitur QVO VADIS anno MCMLI prolata. In qua ille Robertus Taylor et illa Deborah Kerr
partes egerunt primas scaenarum dispositore Mervyno LeRoy.

https://www.google.de/search?q=nero+kai ... =isch&ved=

[marcus03]

Guilhelmus Somerset Maugham narrator et dramaticus Anglicus obit apud Nicaeam.
In lucem editus est a.d. VIII Kal. Feb. anno MDCCCLXXIV Lutetiae.
Qui inter auctores saeculi vicesimi linguae Anglicae numeratur, qui maxime leguntur.
Olim et in scholis narratiunculae ab eo compositae in lingua Anglica docenda lectae sunt.

Natura revera sapiens est: Homini dedit aures duas et lingum unam tantum.
Qui duplex eius audiat oportet, quod loquatur.

https://www.google.de/search?q=william+ ... e&sa=X&ved

https://de.wikipedia.org/wiki/W._Somerset_Maugham

[medicus]

Ante annos CLVI pictor Wassily Kandinsky nascitur.

[marcus03]

Ludovicus van Beethoven componista et pianista Theodiscus in lucem editur Bonnae.
Obiit a.d. VIII Kal. Apr. annos MDCCCXXVII Vindobonae.

https://www.google.de/search?q=beethove ... &sa=X&ved=

Nullas novi virtutes hominis alias quam eas, quibus efficitur, ut melior fiat homo.
Quas ubi invenio, ibi patria est mea.

[ille ego qui]

mihi placent haec verba:
- clavicen, m.
- clavícina, f.
Ecce:
https://la.m.wikipedia.org/wiki/Clavicen

[marcus03]

PONTEM consulere oblitus sum:
https://de.pons.com/%C3%BCbersetzung/de ... ta?bidir=1
Mihi analogia ob oculos versabatur: componista

Pianist/~in, m/f clavicinator, oris, m / clavicinatrix, icis, f [2020]; clavicen, inis, m / clavicina, ae, f
[LEA p.423]; clavicymbalista, ae, m / clavicymbalistria, ae, f [NLL p.292,1]; plectrocymbalista, ae, m /
plectrocymbalistria, ae, f [LEA p.423]; pulsator clavicymbali, m / pulsatrix clavicymbali, f [NLL

http://www.lateinlexikon.com/lexicon_la ... _mnopq.pdf

[ille ego qui]

Considera, nisi molestum est, etiam hoc:

musurgus , auctor modorum musicorum , concinnator musicus , philharmonicus

https://books.google.com/books/about/No ... I5sh8LPUto
quo accedunt:
modorum (musicorum) compositor /
compositor (musicus)

[ille ego qui]

sic vitamus verba ex Graeco et Latino commixta

[Medicus domesticus]

Mihi in mentem venit Tiberis...

[Tiberis]

Mihi in mentem venit Tiberis..