Abhinc ... annos

[marcus03]

Cleopatra VII Aegypti regina ultima imperi Ptolemaeorum obit sibi mortem consciscendo Alexandriae.
In lucem edita est anno DCLXXXIV a.u.c. eadam in urbe. Regnavit annos XXI ab anno DCCII a.u.c.
Annos IV cum frate Ptolemaeo VIII imperavit, qui annos XIV natus animam efflavit.
Postea una cum aliis sceptrum tenuit lege Romae instituta.
Quam reginam pulchritudinis et pelliciendi artis haberi constat.
De qua agitur pellicula inclutissima anno MCMLXIII prolata illa Elisabetha Taylor partes agente primas.

[Zythophilus]

Fertur apud Nilum sese Cleopatra necasse,

qua formosa magis femina nulla fuit.

[Zythophilus]

Primus in urbe Petri est effectus papa Ioannes,

cui breuior manco pontificatus erat.

[marcus03]

Octavianus primum ex tribus agit triumphum gentibus Dalmaticis victis.
Quem sequentur duo alii, quorum alter ad proelium navale pertinet ad Actium feliciter confectum,
alter ad victoriam de Aegypto partam.
Ille quidem plurimas victorias debuit imperatoribus suis.
Praefectus summus se praebuit aetatis novae et pacis plenae conditorem.
Suo in relatu, qui RES GESTAE inscribitur, affirmavit Iani templi portam se imperante ter esse clausam.

[Tiberis]

Ne populus iam confugiat morosus ad hostem,

murus abinde homines in patria retinet.

[Zythophilus]

En, iterum gaudes, Auguste future, triumpho,

uicta quod Aegyptus magna uetusque tibi est.

[marcus03]

Eugenius Bertholdus Fridericus Brecht dramaticus, librettista, lyricus Theodiscus
obit Berolini orientalis.
Natus est a.d. IV Id Feb anno MDXCVIII Augustae Vindelic(or)um.

Quem esse theatri, quod epicus apppellatur, auctorem constat.
Inter eius opera inclutissima sunt illud TRIVM ASSIVM DRAMA MVSIVCVM,
illa MATER VIRTVS AVDAX ET EIVS LIBERI illaque IOANNA SANCTA MACTATIONIS LOCORVM

Illa Carthago magna bella gessit tria. Post primum adhuc potens erat.
Bello secundo confecto adhuc habitabile erat. Tertio finito inveniri non iam potuit.

Veritas proles est aetatis nec auctoritatis.

Vir semper timet feminam, quae se nimium amet.

Qui pugnat vincatur licet, qui non pugnat, victus iam est.

Muta mundum! Qui indiget mutatione.

Vir, qui peccat nec peccatum corrigit, iterum peccat.

Miror, quanta brevitate generis humani memoria sit malorum, quae sibi illatorum.

Ars quaeque ad artem omnium maximam confert: ad vivendi artem

Causa, ex qua naturam laudibus efferimus,est, ut urbes et oppida habitabilia non iam sint.

Vir non id praestare, quog agit, sed id, quod amat.

Temporibus tenebraum eo manefestius cogimur ad lucem cognoscendam.

Homo non prius vere mortuus erit, quam nemo sui memor sit futurus.

Ars athletica magna non prius incipit, quam salubris esse desinat.

Cum iniuria redditur ius, resistere debemus.

Primo de cibo agitur, deinde de moribus!

Quam crimen est leve tabernam argentariam opprimere, si id comparatur cum tali taberna condita!

[ille ego qui]

obiit ( ) Berolini orientalis

hem ... Berolini est locativus, sed orientalis sine dubio est genitivus.
quoad scio, necesse est dicere in parte orientali urbis Berolini.

si fallor, edocete!

[marcus03]

hem ... Berolini est locativus, sed orientalis sine dubio est genitivus.

Nonne hoc in casu locativus eiusdem est formae ac genitivus?
An non licet rem hoc tractem modo?
Me de hac re praecipua edoceas, edocendi peritissime!
Confiteor me huius rei acurate memor non iam sum!

[ille ego qui]

species videtur eadem, sed casus minime idem est.

cf.: Romai>Romae (= origo locativi primae declinationis).

numquam in vita genitivum tertiae declinationis vidi pro locativo adhibitum.

[marcus03]

numquam in vita genitivum tertiae declinationis vidi pro locativo adhibitum.

Nunc eum vidisti primum.
Quem quidem statim memoria removeas licet.

Miror, an in latinitate moderna fortasse inveniatur.

[ille ego qui]

in Vicipaedia Latina („Berolini orientalis“, sed etiam „(in) Berolino orientali“) invenies

[marcus03]

Matthias Claudius poeta, lyricus, diurnarius Theodiscus nascitur Reinfeldae,
quod oppidum in Germaniae extremis septemtrionibus situmst.

Obiit a.d. XIII Kal. Feb. anno MDCCCXV Hammoniae.
Qui nomine Asmi uti solitus est scriptor. Composuit fabulas et carmina.
A aetatem pertinet, quae sensibilis appellatur.
Innotuit carmine vespertino, quod inscribitur LVNA EXORTA EST et poeta Paulo Gerhardt
exemplo fuit carminis "Nunc omnes silvae quiescunt".

Libertas eo continetur, quod omnia agas licet, quae nulli sint damno.

Quodcumque paulo perfici possit, multo perfici non oportet.

Homini mens inest, quem hic mundus non satisfaciat.

Noli semper esse animo magno, sed semper esto iustus!

[Tiberis]

in Vicipaedia Latina („Berolini orientalis“, sed etiam „(in) Berolino orientali“) invenies

nonne pluris interest, quid apud Mengem (scil. priorem) legamus?
ecce (116 c) : "Wenn zu einem Städtenamen ein (...) Adjektiv tritt, (...) stehen auf die Frage wo? (...) alle Städtenamen im Ablativ mit oder ohne in..."
ex quo sequitur, ut oporteat scribamus " (in) Berolino orientali"

[marcus03]

Tiberis Mengeque locuti, causa finita.
Utinam illum Menge consuluissem! O me pigerrimum!