Abhinc ... annos

von **Zythophilus** » Mo 26. Feb 2018, 07:18

Lex, quae uestra uetat mercari, martyres, ossa

Christicolas, fertur, sed tamen ossa parant.

von **Zythophilus** » Di 27. Feb 2018, 12:26

Insignis Leonardus aure acuta -
auris nota decebat histrionem –
cessat uiuere post decennia octo.

von **Zythophilus** » Mi 28. Feb 2018, 07:15

Deponitque grauem Benedictus pontificatum,

quamque Petri dicunt esse, cathedra uacat.

von **Zythophilus** » Do 1. Mär 2018, 07:23

Armis capta, Cecrops, Sullano a milite saeuo est

urbs tua, cum mensis Martius ortus erat.

von **Tiberis** » Do 1. Mär 2018, 14:44

Natam qui Venerem depinxit, nascitur ipse,

Italiae lumen qui fuit arte sua.

von **Zythophilus** » Do 1. Mär 2018, 22:12

Humores celebrat Cereales insula Thule

algida, cum mensis Martius ortus erat.

von **Tiberis** » Fr 2. Mär 2018, 01:27

Mortuus est Monachi Ledwinka, vir ingeniosus.

Plures ipse nova fecerat arte Tatras.

von **Zythophilus** » Fr 2. Mär 2018, 08:28

Intrant pyramidem, Cephren rex quam sibi fecit

nec Pharao tumulo conditus intus adest.

von **Zythophilus** » Sa 3. Mär 2018, 07:51

Mortuus octauus Clemens est nomine papa.

Plurima eo regnum gesta tenente Petri.

von **Zythophilus** » So 4. Mär 2018, 07:50

Post iter Europa est primum tibi tacta, Columbe,

uerum te ex Asia es naue redisse ratus.

von **Zythophilus** » Mo 5. Mär 2018, 07:22

Vrsinus moritur solitus sacra iussa docere,

cui cordi fidei forma nouata fuit.

von **Zythophilus** » Di 6. Mär 2018, 07:37

Scripta legi uetuit tua papa, Copernice docte,

in medio solem flammiferum esse negans.

von **Zythophilus** » Mi 7. Mär 2018, 06:35

Angelicus doctor, Thomas defunctus Aquinas.

Cui sapientia erat tradita summa uiro.

von **Zythophilus** » Do 8. Mär 2018, 07:00

Lutherus Paulus, factor potabilis auri,

et medicus, moritur. Pol, bibit ipse parum?

von **medicus** » Do 8. Mär 2018, 09:12

Et hodie Aquam auri emere potes: :wink: