Abhinc ... annos

[ille ego qui]

Neque ego intellexi, quam ob causam Tiberis* tibi in mentem venisse scripsisses, o MD.

______________

* alicui venit in mentem alicuius hominis

[Tiberis]

alicui venit in mentem alicuius hominis

plerumque ita esse videtur. sed haud raro nominativus quoque occurrit.

[marcus03]

Ioannis Gottfried Herder poeta, interpretator,theologus, philosophus Theodiscus obit Vimariae.
Natus est a.d. VIII Kal. Sept. anno CDCCXLIV Morungae in Prussia orientali sitae.
Quod ad linguam Theodiscam attinet poeticam, erat unus ex scriptoribus et viris acutis
aetate erudita gravissimis.
Cum Goethe, Wieland, Schiller poetis inter eos habetur, qui eius est, quod
SIDUS EX STELLIS COMPOSITUM VIMARIANUM appellatur.
A quo domus editoria HERDER nomen trahit,quae Friburgi, Berolini, Monachiique
sita est et imprimis libros et scripta edit theologica. Condita iam est anno MDCCCI.

Quod bonum est, prius magni non aestimamus, quam amisimus.

https://www.google.de/search?q=herder+g ... =isch&ved=
https://de.wikipedia.org/wiki/Johann_Gottfried_Herder

[Zythophilus]

Aedificata nouis reseratur Lictoria tectis,

qua Pomptina palus noluit arua coli.

https://de.wikipedia.org/wiki/Latina_(Latium)#Geschichte

[ille ego qui]

@

alicui venit in mentem alicuius hominis

plerumque ita esse videtur. sed haud raro nominativus quoque occurrit.

Recte mones, imprimis si id, quod in mentem venit, "impersonale" est. Sed etiam aliter nominativus adhiberi potest, cum extra Latinitatem, quae nunc in universitatibus pro classica haberi solet (velut apud Livium:

non venit in mentem pugna apud Regillum lacum?

), tum - etiam rarius - apud Ciceronem, ut hoc loco:

numquam ea res tibi tam belle in mentem venire potuisset, nisi etc., du hättest nimmermehr diesen schönen Einfall haben können, wenn nicht usw., Cic.

nullum tamen inveni locum neque apud Caesarem aut Ciceronem nec alibi, in quo homo aliquis (in) casu nominativo appareret.

(haud nescio apud tibi, carissime, nomen sermonis classici aliquanto latius patere.)

[ille ego qui]

Aedificata nouis reseratur Lictoria tectis,

qua Pomptina palus noluit arua coli.

https://de.wikipedia.org/wiki/Latina_(Latium)#Geschichte

En r Austriacam mutam

[marcus03]

Publius Septimius Geta imperator Romanus occiditur Romae.
Fortasse quidem aut a.d. VIII aut VII Kal. Ian. trucidatus est imperatore fratreque Caracalla
aemulo insidias iubente. Qui iis ipse interfuisse fertur matre Getam complectente.
Natus est Non. Mart. anno CLXXXIX in urbe. Cum Caracalla fratre natu maiore imperaverat
X menses tantum et ad tempus praenomine Lucii appellatus est.

https://www.google.de/search?q=geta+kai ... &sa=X&ved=

[Tiberis]

nullum tamen inveni locum neque apud Caesarem aut Ciceronem nec alibi, in quo homo aliquis (in) casu nominativo appareret.

quid dicam? facere non possum, quin tibi assentiar.

[Zythophilus]

Aedificata nouis patuit Lictoria tectis,

qua Pomptina palus noluit arua coli.

https://de.wikipedia.org/wiki/Latina_(Latium)#Geschichte

[ille ego qui]

[marcus03]

Catharina de Bora femina nobilis et monacha ordinis Cisterciensium obit Argeliae in Saxonia sitae.
Sepulta est Argeliae in pulcherrimo Fano Deiparae.
Nata est a.d. IV Kal. Feb. anno MCDXCIX XVI annis prius, quam vir, qui se
in matrimonium ducet anno MDXXV in Claustro Atro Wittenbergensi.
Innotuit uxor illius Martini Luther, cui nupsit annos XXVI nata claustro relicto,
in quo XV annos peregerat.
Cui ea de causa nomen DIE LUTHERIN populo data est.
Ex marito VI liberos procreavit, quorum duo praemature decesserunt.
Una ex filiabus ad aetatem unius anni non pervenisse fertur, alia XIII annos animam iam efflavit.
Illa Catharina prudentissima et felicissima fuisse in rebus oeconomicis traditur.
Vel cervisiam coxisse et aegrotos peste saeviente curasse refertur.

Deus est furnus flagrans, qui abundat amore.

https://www.google.de/search?q=katharin ... &sa=X&ved=

[Zythophilus]

Mortuus in sancta est Zephyrinus episcopus urbe,

qui solum Dominum dixerat esse Deum.

[marcus03]

Ioannis Boccaccio scriptor, democratiae fautor, poeta Italianus obit Certaldi apud Florentiam siti.
In lucem editus est ibidem a.d. XVI Kal. Iul. anno MCCCXIII.
Gravissimus erat auctor aetatis litterarum artiumque renatarum humanismi.
Saeculo decimo quarto ad conditorem narrandi traditionis Europaeae sublatus est.
Innotuit inclutissimo opere, quod DECAMERONE inscribitur.

Amoris praecepto plus inest virtutis quam omnibus praeceptis ceteris

https://www.google.de/search?q=Giovanni ... &sa=X&ved=

[Zythophilus]

Natus Londinii Thomas est regis amicus. 

Praesul rege magis fertur amasse Deum.

[Zythophilus]

Qua citus Elsa fluit, moritur Boccaccius auctor,

qui mentem uoluit uiuere, Roma, tuam.