Abhinc ... annos

[consus]

Salvete, amici!
Nudius tertius hoc loco scripsi: Permultarum quidem rerum memoria hoc loco renovatur, sed etiam scribendum esse censeo - quam paucissimis scilicet verbis - quanam de causa unaquaeque res digna sit quae ab oblivione nostra vindicetur.
Quid ergo mirum, si exoritur quaestio qua de causa ille imperator dignus sit qui ab oblivione vindicetur?

[consus]

...Videtur Imperator Romanus Sacer exstare. Vide https://la.wikipedia.org/wiki/Imperator_Romanus_Sacer!

Vicipaedia digna non est cui fides habeatur!

[marcus03]

Quid ergo mirum, si exoritur quaestio qua de causa ille imperator dignus sit qui ab oblivione vindicetur?

Qua re si dialogus/sermo Latinus gignatur , etiam ille vir dignus fuerit, cuius mentio fiat.

[cultor linguarum antiquarum]

...Videtur Imperator Romanus Sacer exstare. Vide https://la.wikipedia.org/wiki/Imperator_Romanus_Sacer!

Vicipaedia digna non est cui fides habeatur!

Quamobrem „videtur“ scripsi.

[marcus03]

Ad hoc K. Wowereit diceret:

"Et id hoc in casu bonum fuit".

[Zythophilus]

Varsouiae Augustis ceperunt arma Kalendis,

sed fuit – heu! – demum fortior hostis eis.

[consus]

Abhinc lustra decem bis acer annos
Caelo desiluit feris Gradivus
In terram pedibus tremenda bella
Ut mortalibus omnibus pararet.
Semper sit monitum salubre nobis!

[marcus03]

Semper sit monitum salubre nobis!

Lacinia Gazana Ucrainaque nos salvere iubent.

[cultor linguarum antiquarum]

Imperium Germanicum Imperio Rossico bellum indixit.

[marcus03]

Hannibal Romanos ad Cannas clade acerbissima affecit eosque quasi " in magnam crisin identitatis praecipitavit".

Spero nostros philologos vocem "crisis identitatis" legentes in identitatis crisin ipsos non incisuros.

@Zythophilum:
Utinam haec res tibi - identitatem tuam quidem servanti - causa sit aptum carmen componendi.
Carmine tuo debellari ac devinci mihi iterum honori erit. Quid enim praeclarius quam poetice ad ictum destinari teloque vatis percuti. Missile tuum nunc mihi mittas ! Impetui non resistam.

PS:
Et Romani carminibus quam Hannibalis telis obrui maluissent. Fortasse te praesente victoriam reportassent, qui Poenos impetum facientes certe statim stitisses. Carmine audito Poeni arma abiecissent, collapsi essent ridentesque se humi volvissent.

[Zythophilus]

Rebus in aduersis, quidnam sis ipse, requiris

atque, ubi sis, quaeris pessima fata querens.

Quod tua defecit, quereris quoque, Marce, crumina

teque iubet miserum copa mala ire domum.

[marcus03]

Est quidem quaedam "crisis", qua maior nulla cogitari possit: cervisiae crisis. Qua te numquam affectum iri spero. Cervisia deficiente vel absente tibi artique poeticae Europae timere incipiam.
O paupera carmina cervisia carentia !

[cultor linguarum antiquarum]

Thebae ad Leuctram Spartam vicerunt.

[Tiberis]

Thebae ad Leuctram Spartam vicerunt.

sit ita. sed quid id nostra referat vel cur memoria dignum sit, te oro ut exponas.
noli neglegere, quid Consus noster de ea re scripserit:

Permultarum quidem rerum memoria hoc loco renovatur, sed etiam scribendum esse censeo - quam paucissimis scilicet verbis - quanam de causa unaquaeque res digna sit quae ab oblivione nostra vindicetur.
Quid ergo mirum, si exoritur quaestio qua de causa ille imperator dignus sit qui ab oblivione vindicetur?

[Zythophilus]

Desiit imperium Nonis Sextilibus actis,

cui dederat nomen perdita Roma suum.