Abhinc ... annos

von **Zythophilus** » Di 20. Mär 2018, 07:23

Sulmo te genuit facturum carmina clara,

quae canerent Venerem uersaque membra metris.

von **marcus03** » Di 20. Mär 2018, 08:44

Austria te genuit facturum carmina clara ad maiorem gloriam cervisiam coquentium! ;-)

von **Zythophilus** » Mi 21. Mär 2018, 07:22

Mortuus Europae pater est Benedictus et abbas.

Tradiderat monachis regulam, aratra, libros.

von **Zythophilus** » Do 22. Mär 2018, 23:32

Filius Estoniae defunctus nomine Semper.

Conditus hic semper mortuus auctor erit.

von **Zythophilus** » Fr 23. Mär 2018, 16:47

Heu, qui papa fuit Romanus quinque per annos,

tertius in sancta Iulius urbe perit.

von **Zythophilus** » Sa 24. Mär 2018, 08:05

Papam pontificemque Nicolaum
dat mors Elysio rapitque uiuis.

von **Zythophilus** » So 25. Mär 2018, 07:48

Ante diem rapitur – uae – tabe Noualis atroci:

Mouerat hic animos arte poeta sua.

von **Zythophilus** » Mo 26. Mär 2018, 07:22

Cum Stephanus primus Ditis foret additus umbris,

est alter Stephanus papa secutus eum.

von **Zythophilus** » Di 27. Mär 2018, 07:44

Traditus est imo uates et episcopus Orco

Ianus Pannonius, lata ubi Saua fluit.

von **Zythophilus** » Mi 28. Mär 2018, 05:00

Cui genitor pistor fuit, editus Hunnobrodensis.

Huic renouata fides et schola iusta placent.

von **Zythophilus** » Do 29. Mär 2018, 16:40

Nonus obit Stephanus, latus qua murmurat Arnus.

Huic actus breuior pontificatus erat.

i.A.

von **Zythophilus** » Fr 30. Mär 2018, 10:43

Infans editus a parente paruus
qui Vincentius est uocatus inde.
Huic aures geminae fuere nato.

von **Tiberis** » Fr 30. Mär 2018, 23:58

CAROLO MAY MORTVO
quot puerorum animos iucundis ille movebat

narratis ! obitus nunc meminisse decet.

von **Zythophilus** » Sa 31. Mär 2018, 18:28

Atticus occubuit fidus Ciceronis amicus.

Edita uerba ab eo nulla papyrus habet.

von **Zythophilus** » So 1. Apr 2018, 08:15

Qui regnauerat Austriam imperator,
est defunctus in insula remota
ablata Carolus miser corona,
cum mensis modo Aprilis ortus esest.