Abhinc ... annos

von **Zythophilus** » Mo 20. Mär 2017, 07:30

Fabula de Sancto bene nota Ioanne relata est.

Non fuit haec – sola est fabula – causa necis.

von **Zythophilus** » Mo 20. Mär 2017, 19:27

Sulmo te genuit, tenerorum lusor amorum,

sed reor ingenium tunc latuisse tuum.

Ex hoc uiginti sunt tempore saecla peracta,

sed tibi rapta anima per tua metra uiges.

Publius Ovidius Naso amoris et fabularum scriptor Romanus Sulmone natus est.

von **Zythophilus** » Di 21. Mär 2017, 07:27

Heu, Benedicte, peris, monachorum sancte magister.

Quantum Europa tibi debuit, alme pater!

von **Zythophilus** » Mi 22. Mär 2017, 19:29

Londinii statuunt, qui fines dentur Achaiae,

res ut agros certos publica facta regat.

von **Zythophilus** » Do 23. Mär 2017, 07:27

Iustus Lispsius oppetit uir audax,
qui libros alios suosque fecit
lectori Tacitui modum secutus.

von **Zythophilus** » Fr 24. Mär 2017, 07:50

Agricolam qui se dixit suadente magistro,

est natus sapiens uir medicusque sagax.

von **Zythophilus** » Sa 25. Mär 2017, 16:41

Mortuus est Nucius. Modulamina fecerat ipse

monstraratque libro composuisse modos.

Theodosius Tertius coactus imperium deposuit et Leo Tertius imperator Byzantius factus est.

von **Zythophilus** » So 26. Mär 2017, 08:34

Mortuus est Stephanus, Stephanus quem papa secutus

non solum Stephanus, uerum etiam alter erit.

von **Zythophilus** » Mo 27. Mär 2017, 20:23

Qui primus fueras praesul, Rudberte, Iuuaui,

in sua regna uocans te Deus ire iubet.

von **Zythophilus** » Di 28. Mär 2017, 06:26

Vranius moritur, studiis qui pectora plenus

floruit et coluit denique iura sagax.

Praetoriani Publium Helvium Pertinacem imperatorem Romanum necaverunt. Didius Iulianus imperium emit, sed ipse post paucas septimanas necatus est.

von **medicus** » Di 28. Mär 2017, 19:17

cultor linguarum antiquarum hat geschrieben: necaverunt. necatus est.

Suntne aliae res memorabiles?

Res gestae non semper bellae erant.