von Tiberis » Mo 20. Sep 2021, 13:01
Mortuus est Henricus Hoffmann medicus et poeta, qui librum illum iucundissimum ediderat , qui inscribitur "de Petro hispido ac piloso". Variis fabulis pueros monuit, ne parentum praecepta neglegerent...
ecce fabula de Caspare sorbitionem recusante: (metris antiquis scilicet neglectis)
Hic Caspar est, firmissimus
qui erat et pinguissimus.
Opimas bucculas habebat,
libenter suum ius sorbebat.
Sed heu, repente reclamavit
et ius sorbere recusavit:
„Ius meum numquam iam sorbebo,
ab iure posthac abstinebo.“
Sequente die macrior
fit ille et infirmior.
Qui tamen denuo clamavit
et iterum ius recusavit:
„Ius meum numquam iam sorbebo,
ab iure posthac abstinebo. »
Heu, tertio videmus illum
exilem iam et imbecillum.
Sed ubi rursus ministratur
ius, voce magna reclamatur:
„Ius meum numquam iam sorbebo,
ab iure posthac abstinebo.“…
Vae, quarto die similis
est Caspar fili tenuis.
Pondo semunciam valebat
et quinto mortuus iacebat.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis