Usum participii coniuncti et ablativi absoluti discite!

[ThomasVulpius]

Haec constructio participium coniunctum est:
Magnetus amphitheatro *pedifollico sublimen rapto domum albam circumdedit.

Haec constructio ablativus absolutus est:
Godzilla, draco giganteus, omnibus officinis *nuclearibus *Iaponiae comesis Novum Eboracum petivit, ut hanc quoque urbem igni, quem ex ore provomeret, in fumum atque cinerem verteret.

[marcus03]

PC et abl.abs. te in ius vocabunt. Hoc tibi crimini dabitur: Abusus constructionum ad argumenta absurda indignaque exprimenda.
Poena erit haec: Illis constructionibus uti in omne tempus vetaberis.

[ThomasVulpius]

PC et abl.abs. te in ius vocabunt. Hoc tibi crimini dabitur: Abusus constructionum ad argumenta absurda indignaque exprimenda.
Poena erit haec: Illis constructionibus uti in omne tempus vetaberis.

Stellā mortiferā deletā seditiosi gaudebant.
Mystique formā mutatā omnes decepit.

[marcus03]

Iudicio comtempto nunc poena augebitur: Veniet, qui te tuumque domicilium in fumum atque cinerem versurus sit. Cave ! Carnifex domum tuam iam petere coepit. Mox flammis devorati eritis, qua re sola honorem ac dignitatem ablativi absoluti et part. coniuncti redintegratum iri puto

Requiescas ergo in pace, o Vulpie, abusor nobilium constructionum crudelissime ! Vae talibus abusoribus !
Ceteros deterreas, ne exemplum tuum sequantur.

[durgicola]

odi heroas marvellianos idcircoque pelliculas ipsis dicatas non specto. quid sibi vult illud domum albam? mirum ni white house sit! intellexine? magnetus withe house circumsepsit amphitheatro pedifollico in sublimem tollendo?

[ThomasVulpius]

Iudicio comtempto nunc poena augebitur: Veniet, qui te tuumque domicilium in fumum atque cinerem versurus sit. Cave ! Carnifex domum tuam iam petere coepit. Mox flammis devorati eritis, qua re sola honorem ac dignitatem ablativi absoluti et part. coniuncti redintegratum iri puto

Requiescas ergo in pace, o Vulpie, abusor nobilium constructionum crudelissime ! Vae talibus abusoribus !
Ceteros deterreas, ne exemplum tuum sequantur.

Hoc fātum meum dūrissimum atque gravissimum est:
Cum ea, quam nōminātim appellārī fās nōn est, gravī atque diūtinō morbō cōnfecta hōc autumnō mortua erit (hoc enim trēs fātiloquae praedīxerant), domī meae lārva aderit.
Tum rēs dēpellentur et aliīs locīs atque anteā erunt.
Armāriōrumque forēs et aperientur et claudentur.
Āēr tremere incipiet et eius - scītis, quam nōminem - fōrma adumbrābitur.
Eius vocem audiam.

Tum Chrīstiānum nostrum adībō lārvamque mēcum addūcam, ut eius quoque in aedibus rēs dēiciantur. Cui Tōtō domiciliō lārvā dēvastātō *epiplopōlēum sīve taberna supellecticāria adeunda erit, ut novam supellectilem comparet. Rēs ulteriōrēs esse et sortilegās vēra praedīxisse cognōscet. Omnibus igitur rēbus dēspērātīs ultimam Thūlēn petet et sāgam Normannōrum... eqs.

Quibus rēbus cognitīs Marīnus, rēx Dacorōmaniae, vir castus atque Chrīstiānus, cīvēs redemptiōnis assequendae causā deam Durgam colere iubēbit.

Zaoichi vēro, equēs *Iapōnicus caecus, Rōmam petet omniumque cardinālium Latīnē nescientium ventrēs acīnace *Iapōnicō dissecābit.

Ac mūrēs porcellī meī quidem, quī in caveā sedent et lactūcam dēvorant, Franciscum, pontificem maximum, Latīnē balbūtientem audientēs rīsū dīrumpentur humī volūtābundī.

Rūpēs vērō *planētoīdēs nōmine "Apophis" cursū mūtātō septem mīlibus undeoctōginta diēbus post dē caelō in hunc mundum dēlāpsa omnīs, quī in *locutōriis Latīnīs Britannicē locūtī erunt, opprimet.

*Alienígenae, quibus ūsus linguae Latīnae cordī est, ex eō orbe lacteō, quī "Andromeda" nōminātur, nāvigiīs sīdereīs profectī et spatium *intergalacticum lūce celerius perlāpsī hunc mundum petent, ut Vaticānum armīs radiōrum lūcidōrum in fūmum atque cinerem vertant omnesque clēricōs, quī Latīnē nesciant, combūrant - Patre Rēgīnaldō Foster exceptō, quī Latīnē loquendī coryphaeus est.

Egō autem cum cane dominātrīcis meae novae per prātum ambulābō, caupōnam adībō, multam cerevisiam bibam, sagittulās in clipeum, quī ē pariete pendet, coniciam lūdōsque *pedifollicōs tēlōphthēriō spectābō. Atque lūdō *pedifollicō cōnfectō cum fautōribus sēditiōsīs cum alterīus gregis fautōribus mediā in urbe Tremōniā quasi bellum cīvīle geram statiōnemque centrālem lagoenīs flammiferīs dēvāstābo atque dēflagrābo, ut ibī, ubī statiō *ferrivia anteā fuerit, ruīnae fūmantēs nunc sint.

Cum multīs annīs post senectūte cōnfectus mortuus erō, in loca ulteriōra proficīscar, ut in figūrā *cummeā verser et cum deā Durgā coniūnctissimē ūnā sim. Ea quidem cultōribus adōrandam sē praebēbit, (cf. MBS § 512,1) egō autem adōrātiōnem spectābō.

At cum figūra lapidea ē postīcīs partibus appāruerit, figūram *cummeam genu flectere sēque eius auctōritātī summittere cōgam, nē figūra lapidea īrā arrogantiae nostrae īncēnsa caput nostrum malleō ferreō iterum percutiat, ut ē prōvinciā ulteriōre ēiectī incarnātiōne multēmur.