Habeone librum ad manum?

[ThomasVulpius]

Salvēte, coryphaeī!

Sunt, quī hāc ēlocūtiōne ūtantur: "Librum ad manum habeō."

Sitne autem haec ēlocūtiō apud Cicerōnem, magna est quaestiō.

Sunt, quī scrīptōrem rhētoricae ad Herennium eā ēlocūtiōne ūsum esse dīcant. Sed quaerēns nōn repperī.

Quis vestrum mē certiōrem faciet, quō locō M. Cicerō eā ēlocūtiōne ūsus sit?

Bene valēte et respondēte!

Thōmās vester

[consus]

Indice quem composuit H. Merguet percurso nihil aliud repperi nisi hoc (Cic. de orat. 3, 225):

... quem servum sibi ille habuit ad manum ...