salvete sodales,
duas res satis iucundas vobiscum communicare velim.
his paucis diebus Erlangae - Iove mingente* - quaedam puella birota vecta me praeteriit, dextra umbellam tenens, sinistra autem placentam. nonne res, de qua unus e poetis nostris laureatis aliquod distichon pangat, dignissima?
hodie autem simul cum tribus quattuorve puerulis minimis eiusque matre e raeda longa descendi. pueruli autem gubernatorem - deinceps, alius post alium - clara voce ita valere iusserunt: "gratias tibi agimus, o auriga" ("danke, herr busfahrer"). quo spectaculo lepidissimo perfructus ego ne ipse quidem potui, quin aurigam eadam ratione salutarem! talibus rebus visis quis dubitabit, quin iure atque merito Herbertus ille Grönemeyer suaserit, ut summa rerum pueris commendaretur?
bene valete!
____________
* aliquando magister noster per fenenstram prospiciens "Iuppiter" inquit "mingit". sed quomodo bene Latine dicitur "IM REGEN". vos rogo, ut auxilium mihi feratis neque stultum me mori sinatis!