Q.Ennius utrum in Calabria an in Apulia natus sit, quaeritur

[ille ego qui]

ubique scriptum legitur Ennium omnium litterarum Latinarum novatorem natum esse Rudiis (Rudiae), quod quidem oppidum Manfredus Fuhrmann in sua litterarum Romanarum historia in Calabria, contra Vicipaedía in Apulia situm esse vult. utrumque autem - an fallor? - simul fieri posse nego! utri igitur maior fides est habenda?

bene valete

[consus]

Otto Skutsch cui viro doctissimo imprimis quod ad Ennium pertinet maximam habeo fidem hoc de Rudiis scribit*:

‘2 km SW of Lupiae (Lecce), in a low-lying area called “La Cupa” ‘ (Princeton Encyclopedia of Classical Sites, ed. Stilwell et al.). Pomp. Mela 2. 66, calling Rudiae in Apulia (pliny [sic!], n. h. 3. 102) the birthplace of Ennius, is wrong, as shown by Ennius’ claim to be descended from King Messapus (ann. 524). See also Philipp, RE I A 1 1176-8.

_______________________________________________________________________________________
* The Annals of Q. Ennius, ed. with Introduction and Commentary by Otto Skutsch, Oxf.1985, p. 1.

[ille ego qui]

gratias tibi maximas ago, optime rerum!!

[consus]

Hoc censeo mihi addendum esse:
Calabria antiqua sita est in ea parte Italiae quam cum "caligae calce", i.e. cum "postrema caligae parte", comparari licet*. Lupiae et Rudiae inter Brundisium sitae sunt et Hydruntum.
_____________________________________________________________________________________________
* Cf. Großer historischer Weltatlas, hg. v. Bayer. Schulb.-Verl., erster Teil, Vorgeschichte u. Altertum, 4. Aufl. Mchn 1963, p. 31 FG 5 (Rudiae l.c. G 5). Cf. etiam http://de.wikipedia.org/wiki/Calabria.

[Zythophilus]

Apuliae est regio, Calabrorum quae fuit olim:

Bruttius accepto nomine gaudet ager.

[ille ego qui]

gratias maximas tibi ago, Conse. iam res multo minus mirae videntur

[durgicola]

In brutiis natus est

[durgicola]

... qui multo latiores sunt calabria hodierna

[consus]

Quodam te errore puto duci,amice: Oro te legas quid hodie hoc loco scriptum sit, imprimis verba Ottonis Skutsch. Rudiae oppidum situm est in Calabria quae vocatur antiqua (quam cave confundas cum Bruttio, quae regio nostris temporibus ab Italicis Calabria appellatur), idque inter Brundisium (Brindisi) et Hydrantum (Otranto) prope Lupias (Lecce) (cf. http://it.wikipedia.org/wiki/Rudiae#Fonti_antiche et http://it.wikipedia.org/wiki/Regio_II_Apulia_et_Calabria#mediaviewer/File:Shepherd-c-030-031.jpg).

[Zythophilus]

Calabria moderna antiquuis temporibus ager Bruttius fuit; quod nomen medio aeuo mutatum est. Paeninsula autem Sallentinorum, quae pars Apuliae regionis est, a Romanis Calabria appellata est.

[durgicola]

id quod dicere mihi in animo erat