O Latinitas! ;-)

[ille ego qui]

salvete sodales,
quicumque vestrum umquam conventui Latine loquentium interfuit, eius aures sine dubio etiamnunc sonant illud "O Latinitas", cuius contilenae verba sunt Valahfridi Stroh, modi autem Iani Novák musici Latinissimi
http://stroh.userweb.mwn.de/novak/nov_texte/cantlat.htm
(hic totius carminis verba perlegere poteritis, etiam eius strophae, qua grammaticis, id est philologis acerbe valedicitur, praeterea reperietis interpretationem Theodiscam.

Elvaci in arce in arce
canori olim degi- degimus.
o Minerva, parce o parce,
si crassiora feci- fecimus.
o Latinitas eqs.

in hac autem paenultima stropha dubito, sitne "canori" adiectivum ("canorus, a, um") praedicative adhibitum an dativus ("canor, canoris")?

bene valete

[Zythophilus]

Mihi datiuum esse persuasum habeo. Etiam uerbis ab auctore ipso Germanice redditis id liquet.

[marcus03]

Qui dativus ?

[ille ego qui]

similis dativi usus etiam in sermone nostro patrio reperitur:
"nur dem Gesang leben"

[ille ego qui]

sed saltem in thensauro Georgesiano "degere + dat." non invenitur.

[SursumDeorsum]

Puto de adiectivo agi stropham:

Elvaci in arce, in arce canori olim degi, degimus; verbum degendi absolute usurpatur, canori Germanice reddam 'als Wohlklingende', i.e. mit schönem Gesang verbringen wir unsere Zeit.

[ille ego qui]

nunc opus est iudice!

[Zythophilus]

Verbum "non" excidit. Datiuum non esse persuasum habeo.

[marcus03]

Verbum "non" excidit.

Quo cecidit ? Num in poculum cervisiae vitreum ? Quo poculo exhausto negationem sententiae tuae reddas. In potando autem cave, ne illa ad stomachum appellatur. Qui officia sua neglegere incipiat.

[Zythophilus]

Quonam uerba cadant, quae non sint facta, requiris.

A te, Marce, probas talia uerba capi.

[marcus03]

Quonam uerba cadant, quae non sint facta, requiris.

In manus rectas ac dignas nunc illa incidisse videntur, quae iterum carmen praeclarum provocaverint.
Ex "non" /nihilo pulchra creasti, o poeta "indevastabilis".

[SursumDeorsum]

nunc opus est iudice!

Poetae locuti, causa finita

[ille ego qui]

... sed adhuc sub codice glis est