de pôsca

[ille ego qui]

salvete sodales,

hodie poscam Romanam ex aceto et aqua factam bibi addito melle. adhuc autem incertus sum, utrum placeat annon ...

valete.

[Zythophilus]

Talem nolle mihi scito me poscere poscam.

Cuinam dulce placet mel acidusque liquor?

[ille ego qui]

nonne mel habet e brevem?

[Zythophilus]

Res lacti similis uidetur.

[ille ego qui]

ita est ut in "lacte": unus reperitur locus, ex quo vocalis dimensio certa cognoscatur (nullus contra). quem unum locum nobis sequendum esse iudico.

P. Ovidius Naso. Epistulae ex Ponto (Pontiques, ed. J. André,
1977). (0959: 009)

book 4, poem 2, verse 9

Quis mel Aristaeo, quis Baccho uina Falerna,
Triptolemo fruges, poma det Alcinoo?

Go to Context

[ille ego qui]

similiter in lacte agendum esse censeo.

Re: lac Quantität?

Beitragvon consus » Mi 27. Aug 2014, 11:26
Videtur quidem utilis esse ille conspectus locorum, neque tamen plus valet ad exitum quaestionis quam ea omnia quae iam ante diximus.
Carminis de resurrectione versum lāc etiam plenis manat potabile rivis comparari licet cum illo Anthologiae versu et lāc et vini pateras et liquida mella; nihilo minus denuo quaerendum videtur esse, utrum lac syllaba natura correpta sit an producta.
Acquiescamus ergo in dicto Prisciani!

... quamquam hic mirum in modum liquida longam habet primam syllabam (quod sera Latinitate non semel fieri videtur) - sive i producta, sive qu pro consonanti duplici habita.

[Zythophilus]

Cum res ita se habeant, carmen mutandum est:

Talem nolle mihi scito me poscere poscam.

Cui mel diligitur dulce acidusque liquor?

[ille ego qui]