"dum ingenuus" - de Horatio, patre eius, Maecenate

[Tiberis]

Cristiano suo sal.

equidem censeo professorem tuum in errore versari. nonne, si vim illius verbi (scil. ingenuus) volumus cognoscere , etiam contrarium nobis est respiciendum ? quis autem ingenuo est contrarius nisi libertinus? videamus, quid Horatius in hoc ipso sermone de statu libertatis scripserit:
v.6: libertino patre
v. 8: dum ingenuus
v.21: ingenuo si non essem patre natus
v.45f : libertino patre natum
v.91: quod non ingenuos habeat clarosque parentes

ex quo satis apparet verbum "ingenuus" (in hoc saltem sermone) non ad mores vel ad virtutes,sed ad statum libertatis pertinere.

[Medicus domesticus]

Equidem censeo, ut alii censent, vocem hoc in loco carminis ambiguam esse.

[Tiberis]

Optimus ut medicus Medicus, sic Ille magister,
Quorum quisque sapit si sua regna tenet.

qualis sit medicus Medicus, quis dicat? utique

pellibus est satius quemque quiesse suis.

[Medicus domesticus]

Est lingua Latina. Novi nonnullos, qui linguam Latinam melius noverunt quam illi, qui illi linguae in universitate studuerunt. Nonne sunt permulti homines, qui perfecte Anglice loquantur et linguae Anglicae non studerent.

[ille ego qui]

utut est ...

[ille ego qui]

quando satis erit de ignorantia philologorum? iam iam intelleximus, quam nulli simus/essemus ...

[Tiberis]

Novi nonnullos, qui linguam Latinam melius noverunt quam illi, qui illi linguae in universitate studuerunt

sint. rari tamen. universitate
certe non opus est ad eloquenda
pure et omnia , quae velis, Latine.
sed miror: vitiosa quarta quaeque
cui sententia, quam facit, Latina est,
detrectare aliosne eum decebit?

[ille ego qui]

obiter: paulo ante ferias Monachii cum Valahfrido Stroh loquendi occasio mihi data est. quem cum interrogassem de hac re, professoris mei interpretationem valde laudavit seque vim verbi ingenui diligentius pervestigaturum esse promisit. non igitur tam absurda quaestio videtur fuisse (nisi quis Valahfridum omni ex parte contemnat), ut e Medici nostri conviciis videri poterat

[durgicola]

mihi quidem tota res non tanti esse ut rixemini videtur ecquis est enim vel leviter doctus quin horatium e liberto natum fuisse sciat?