De numeris discendis

[ThomasVulpius]

Salvete, coryphaei!

Puellis formosis et ingeniosis, quae linguae Latinae student, numeri discendi sunt.

Quomodo numeros apte dicamus, quaeritur. Equidem hoc propono, ut dies usque ad finem mundi numeremus.

Kal. Ian. anno post Christum natum bis millesimo quinto decimo illa rupes *planētoīdēs, quae de caelo in hunc mundum delabitur omnesque catholicos, qui linguae Latinae inscii (cf. MBS § 298,2a) sunt, opprimet collidet contundet, spatium ( cf. MBS § 359,4b) septem milium septingentorum septuaginta unius dierum (cf. MBS § 294,1) ab hōc mundo aberit.

Bene valete et ante finem mundi omnes muscas *drosophilas, quarum culinae vestrae plenae sunt, interficite!

[RM]

In Septimanis Latinis nostris nonnumquam ludum proferimus, ut in gyrum enumeremus: Primus "unum" dicit, secundus "duo", tertius "tria" et ita porro aucta continenter velocitate. Eodem modo fieri poterit de numeris distributivis, ordinalibus etc. Melius si numerus participum numerus primus maior est velut 7, 11, 13, ..., cum eo modo iidem dissimiles numeros dicere possint.
Est ludus simplex sed efficax et iocosus.

RM

[ThomasVulpius]

In Septimanis Latinis nostris nonnumquam ludum proferimus, ut in gyrum enumeremus: Primus "unum" dicit, secundus "duo", tertius "tria" et ita porro aucta continenter velocitate. Eodem modo fieri poterit de numeris distributivis, ordinalibus etc. Melius si numerus participum numerus primus maior est velut 7, 11, 13, ..., cum eo modo iidem dissimiles numeros dicere possint.
Est ludus simplex sed efficax et iocosus.

RM

Eis puellis formosis ac ingeniosis, quae linguae Latinae student, septimanas Latinas tuas commendabo. Quibus ego ipse interesse maxime cupio, sed dea Durga, quae tigride vehens rerum universitatem regit, ante mortem eius, quam nominatim appellare nefas est, regionem *Ruhranam relinquere me vetuit.

[Zythophilus]

Quomodo iter fieri, Vulpi, liceat tibi in urbem,

nouimus: His tigridis per loca curre rotis!

http://mycazr.com/data_images/models/me ... ger-06.jpg