Nunc cottidie quasi audimus sonum diei natalis..

[Medicus domesticus]

Nunc cottidie audimus sonum diei natalis Domini mea in patria.. :

[Medicus domesticus]

Gaudemus, quod strepitum nostra in valle montana audire possumus. Etiam annus novus strepitu quasi Alpino mox pronuntiabitur *)...

*) http://tinyurl.com/nmucomy

[Tiberis]

licet sit iste rusticis fragor gratus
iisve qui Alpium asperos colunt montes.
sed iste mos incultus ac parum urbanus
quod tanta gaudia afferat tibi, miror.
nam quisquis est humanus, excipit more
ab hoc molestias, pericla ne dicam,
quae ritui insunt. nuper accidit clades
in Styria ipsa: mansione displosa
pater perit cum filio, vir insanus
quod pulvere atro expleverat domum totam.

[Medicus domesticus]

iste mos incultus..

...
Tiberis noster ignorat veterem morem nostrum. O te miserum! Vir Alpicus incultus sum, et tu fortasse urbanus vir. Non solum homines Alpici, sed etiam permulti urbani homines quotannis ad spectandum in oppidum nostrum veniunt.
Obiter: Illi, qui hoc faciunt, tirones non sunt.

[Tiberis]

tibi ferat summam fragor voluptatem,
aures quo abhorrent musicae meae assuetae.
qua quisque delectatur, audiat vocem !

[Zythophilus]

Huic stridor placet igneumque fulmen
atque audire cupit tonantia arma,
cum uoces amet ille dulce dantes
donum Terpsichores modosque suaues.
Quid prasetat? Sibi quisque sumat apta!

[consus]

“Cui res illa bono est inepta?”* quaerit
Hoc Colonia civitas cachinnans
Alpinoque stupet fero fragore.

* Constit. Colon. §§ 6 et 7.

[durgicola]

licet sit iste rusticis fragor gratus
iisve qui Alpium asperos colunt montes.
sed iste mos incultus ac parum urbanus
quod tanta gaudia afferat tibi, miror.
nam quisquis est humanus, excipit more
ab hoc molestias, pericla ne dicam,
quae ritui insunt. nuper accidit clades
in Styria ipsa: mansione displosa
pater perit cum filio, vir insanus
quod pulvere atro expleverat domum totam.

[Zythophilus]

Hoc fecisse modo dicunt se semper eodem,

qui gaudere suo fulmine et igne solent.

Cf. Constit. Colon. § 8.